Stara Cyhelnica
Stara Cyhelnica (němsce Alte Ziegelscheune) je wjeska z 45 wobydlerjemi[2] w srjedźišću wokrjesa Budyšin w Hornjej Łužicy. Słuša wot lěta 1957 ke gmejnje Pančicy-Kukow. Hač do lěta 1879 běše samostatna gmejna.
gmejna: | Pančicy-Kukow | |
zagmejnowanje: | 1879 (do Kukowa) | |
wobydlerstwo: | 45 (31. decembra 2022)[1] | |
wysokosć: | 165–180 metrow n.m.hł. | |
51.23805555555614.220277777778165–180 | ||
póstowe čisło: | 01920 | |
předwólba: | 035796 | |
Powětrowy wobraz Stareje Cyhelnicy | ||
wikidata: Stara Cyhelnica (Q10777126) |
Wjes leži pola Kukowa, něhdźe 17 km sewjerozapadnje Budyšina.
Stawizny
Sydlišćo nasta po 1703 wokoło cyhelnicy klóštra Marijineje hwězdy, kotryž měješe tež ležownostne knjejstwo nade wsu. Prěnjotne serbske mjeno běše Pakostensa.[3] Pod němskim mjenom naspomni so prěni raz pisomnje w lěće 1718 jako Zigelscheine.[4]
Po Mukowej statistice z lětow 1884/85 rěčachu tehdy wšitcy 58 wobydlerjow serbsce.[5]
Pomniki
Připóznate kulturne pomniki w Starej Cyhelnicy su dwaj swjatej křižej při Brylowej čo. 9 a čo. 12 a kamjentny pućnik z 19. lětstotka zapadnje wjeski při puću do Kukowa. Třistronski statok na ležownosći Brylowa čo. 7 je so w lěće 2018 wottorhnył.
Wobrazy
- Swjaty křiž w Starej Cyhelnicy
- Kamjentny pućnik při puću do Kukowa
- Powětrowy wobraz wjeski a wokoliny
Wosobiny
- Jan Bryl (1879–1931) – wučer, stawiznar a sekretar Serbskeho narodneho wuběrka; narodźeny w Starej Cyhelnicy
- Měrćin Słodeńk (1938–2020) – dźiwadźelnik; narodźeny w Starej Cyhelnicy
- Gerat Wornar (* 1942) – farar, awtor a redaktor; narodźeny w Starej Cyhelnicy