Płódnik
Jako płódnik abo ovar so w botanice brjuchaty dźěl pěstki woznamjenja, w kotrymž je symjenišćo z jejkowymi bańkami. Po wopłodźenju jejkoweje bańki přez generatiwne bańkowe jadro próškoweje hadźicy so w symjenišću płódnika rostlinowe embryjo wuwiwa, kotrež je w symjenju zawrjene. Z płódnikoweje sćěny so často při zrawjenju płodu płodowe mjaso wuwiwa, kaž na př. pola wišnjow.
![](http://upload.wikimedia.org/wikipedia/commons/thumb/f/f0/Fruchtknoten_Polygonum_Strasburger_1900.png/220px-Fruchtknoten_Polygonum_Strasburger_1900.png)
Pozicija symjenišća mjenuje so placentacija.
![](http://upload.wikimedia.org/wikipedia/commons/thumb/1/13/Ovary_position.svg/220px-Ovary_position.svg.png)
Rozeznawaja so po połoze płódnika w kćenjowym dnje tři formy:
- Nadstejny płódnik steji na kćenjowym dnje a keluškowe łopjena syda so spody płódnika.
- Srjedźostejny płódnik je do kćenjoweho dna zapušćeny a keluškowe łopjena sydaja so na poł wysokosće płódnika (perigynski hypantij).
- Podstejny płódnik je do kćenjoweho dna zapušćeny a z nim hromadźe zrosćeny a keluškowe łopjena sydaja so nad płódnika (gynoecealny hypantij).
🔥 Top keywords: Hłowna stronaDruha swětowa wójnaWikipedijaWikipedija:PomocWikipedija:KorčmaDataja:Harmonia axyridis larvae 3.jpg5. mejeBahnowa sólnicaChinaDelnjoserbšćinaHornjoserbšćinaSplažny wobchadSobotaSłowjenskaWikipedija:PrawidłaWaginalny wobchadWěcownikDiskusija:Hłowna stronaLědyMagnoliopsidaNěmsko-francoska wójnaKejžorska pawlownijaFinskaSernjanySerbšćinaEstiskaPitosporumCSSWikipedija:Zawod21. nowembraWozneseniwkaKarol DuchoňSewjerofrizišćina11. aprylaWikipedija:Hrajkanišćo a testy předłohowHTMLSAPInternetJunij