Huska
Huska (němsce Gaußig) je wulka wjes ze 623 wobydlerjemi[2] na juhu hornjołužiskeho wokrjesa Budyšin. Słuša wot lěta 1999 ke gmejnje Dobruša-Huska, je jeje druhi najwjetši gmejnski dźěl a leži mjez 240 a 260 m nad mórskej hładźinu w hornjołužiskej pahórčinje juhowuchodnje Budyšina.
| |||||
| gmejna: | Dobruša-Huska | ||||
| zagmejnowanje: | 1999 | ||||
| wobydlerstwo: | 623 (31. decembra 2022)[1] | ||||
| přestrjeń: | 3,97 km² | ||||
| wysokosć: | 240–260 metrow n.m.hł. | ||||
51.13444444444414.315240–260 | |||||
| póstowe čisło: | 02633 | ||||
| předwólba: | 035930 | ||||
| wotwodźene słowa: |
| ||||
 | |||||
wikidata: Huska (Q10379640) | |||||
Geografija
Susodne wjeski su Hunćericy na sewjeru, Brězynka na sewjerowuchodźe, Holca na wuchodźe, Demjany na juhowuchodźe, Nowa Wjes na juhozapadźe, Kosarnja na zapadźe a Cokow na sewjerozapadźe.
Ležownostne mjena
Michał Rostok naliči 1887 slědowace serbske ležownostne mjena: Slěborna hora, Pastwišća, W dubinach, Křižowany puć, Hozarjec tymješća (Hasers Brücherig), Hrabički, Konjacy hat, Běła chěžka, Kšibjeńca, Na Wićazec horje (=Raubschloss), Winica, Slěborna hrabka, Róžk zahrody, Wulka łuka, Wódnik, Na wuzkim puću (Kirchensteg), Cyrkwina łuka, Młynska łuka, Jězor (die Iser!), Holčanski hat, Suchi hat, Cyrkwiny hat, Młynski hat, Hlinowe jamy, Wjazonski puć, Stara cyhelčina, Nowsčanska hora, Hopic chójny, Rychlica, Darinski hat, Wokurka, Burski hat, Holčanska skała, Wowčernja, Pola pěskowej jamy, Pólski kućik.[3]
Stawizny
Prěnje historiske naspomnjenje jako knježe sydło Gusc abo Guzich je z lěta 1245. Huska bě sydło wulkeho ryćerkubło, kotrež měješe wobsydstwa we wjele wokolnych wsach.[4]
Hušćanska ewangelska wosada wobsteji ze 16. lětstotka; do toho přisłušeštej wjes a wokolina Hodźijskej wosadźe.
Hač do lěta 1999 bě Huska samostatna gmejna z Hunćericami (wot 1935), Holcu (1936), Cokowom (1950), Demjanami (1973), Družkecami, Drječinom (1974) a Nowej Wsu (1994) jako wjesnymi dźělemi.
Wobydlerstwo a rěč
W lěće 1884 měješe wjes po Mukowej statistice 454 wobydlerjow, mjez nimi 254 Serbow (56 %).[5]
Žórła
Wotkaz
Commons: Huska – Zběrka wobrazow, widejow a awdiodatajow