ગાંધીનગર રેલ્વે સ્ટેશન

આ સ્ટેશન ગુજરાતની રાજધાની ગાંધીનગરને સેવા પૂરી પાડે છે. આ સ્ટેશન ગાંધીનગરના સેક્ટર-૧૪માં આવેલું છે. તેનું નિર્માણ ભારતીય રેલ્વે સ્ટેશન ડેવલપમેન્ટ કોર્પોરેશન દ્વારા કરવામાં આવ્યું હતું, જે IRCON અને RITES વચ્ચે ની ભાગીદારી વડે રચાયેલ જાહેર ક્ષેત્રની એન્ટરપ્રાઇઝ કંપની (PSE) છે.^[૧]

ગાંધીનગર કેપિટલ રેલ્વે સ્ટેશન પર નીચેની ટ્રેનો બંને દિશામાં ઉભી રહે છે:^[૨]

• બાંદ્રા ટર્મિનસ - દિલ્હી સરાય રોહિલ્લા ગરીબ રથ એક્સપ્રેસ
• અમદાવાદ - હરિદ્વાર યોગ એક્સપ્રેસ
• ગાંધીનગર કેપિટલ - ઇન્દોર શાંતિ એક્સપ્રેસ
• આણંદ - ગાંધીનગર કેપિટલ મેમુ
• ગાંધીનગર કેપિટલ – વરેઠા મેમુ
• અમદાવાદ - ગાંધીનગર કેપિટલ મેમુ
• ગાંધીનગર કેપિટલ - ભાવનગર ટર્મિનસ ઇન્ટરસિટી એક્સપ્રેસ
• ગાંધીનગર કેપિટલ - વારાણસી વીકલી સુપરફાસ્ટ એક્સપ્રેસ
• મુંબઈ સેન્ટ્રલ - ગાંધીનગર શતાબ્દી એક્સપ્રેસ
• ગાંધીનગર - મુંબઈ સેન્ટ્રલ શતાબ્દી એક્સપ્રેસ

આ સ્ટેશન ત્રણ પ્લેટફોર્મ ધરાવે છે.સ્ટેશનનો પુનઃવિકાસ પૂર્ણ થયા બાદ તેનું ઉદ્ઘાટન ૧૬ જુલાઈ ૨૦૨૧ના રોજ વડાપ્રધાન નરેન્દ્ર મોદી દ્વારા કરવામાં આવ્યું હતું.^[૩] પુનઃવિકાસિત સ્ટેશનને વિકલાંગોને અનુકૂળ બનાવવામાં આવ્યું છે અને પ્લેટફોર્મની ઉપર એક ૫-સ્ટાર હોટેલ બનાવવામાં આવી છે. આ લક્ઝરી હોટેલમાં ૩૧૮ ઓરડાઓની સુવિધા છે અને તેનું સંચાલન ખાનગી સંસ્થા દ્વારા કરવામાં આવશે. આ હોટેલ રાષ્ટ્રીય અને આંતરરાષ્ટ્રીય મહેમાનોને માટે બનાવવામાં આવી છે અને આખી ઇમારત ગ્રીન બિલ્ડીંગની વિશેષતાઓને ધ્યાનમાં રાખીને બનાવવામાં આવી છે.^[૪]

• Gandhinagar પ્રવાસન માહિતી વિકિવોયજ પર.