Yaa Gyasi

É filla de Kwaku Gyasi, profesor de Francés na Universidade de Alabama en Huntsville, e Sophia, enfermeira.^[2][3] A súa familia mudouse aos Estados Unidos en 1991 cando o seu pai completou o seu doutoramento na Universidade do Estado de Ohio.^[1][4] A familia viviu tamén en Illinois e Tennessee, e desde os dez anos Gyasi creceu en Huntsville (Alabama).^[1][5]

Gyasi lembra ser tímida de nena, sentirse próxima aos seus irmáns polas experiencias compartidas como nenos inmigrantes en Alabama, e recorrer aos libros como os seus "mellores amigos".^[4] Recibiu un certificado de méritos da man de LeVar Burton logo enviar o seu primeiro relato ao concurso Reading Rainbow para novos creadores e ilustradores, e aos dezasete anos, logo de ler Song of Solomon de Toni Morrison mentres asistía ao instituto Grissom, decidiuse a ser escritora.^[4]

Gradououse en Lingua e literatura inglesas pola Universidade de Stanford. Despois de rematar a carreira comezou a escribir a súa primeira novela e empezou a traballar nunha empresa emerxente en San Francisco, pero deixouno^[6] e marchou facer un mestrado en Belas artes no Obradoiro de Escritores de Iowa, un programa creativo de escritura da Universidade de Iowa.^[5][6] En 2016, vivía en Berkeley, California.^[6][7]

A súa primeira novela, Homegoing, está inspirada nunha viaxe a Ghana que fixo en 2009, a primeira vez que viaxaba fóra dos Estados Unidos desde que era nena. A obra foi rematada en 2015, e despois de prsentala a varios editores, tivo diversas propostas até que aceptou unha oferta millonaria de Alfred A. Knopf.^[6] Ta-Nehisi Coates seleccionou Homegoing para o premio "5 menos de 35" da National Book Foundation en 2016,^[5] e a novela recibiu varios premios máis.^{[7][8][9][10]}

Escribiu en publicacións como African American Review,^[11] Callaloo,^[12] Guernica^[13] The Guardian,^[14] ou Granta.^[15]

Gyasi cita Toni Morrison (Song of Solomon), Gabriel García Márquez (Cien años de soledad), James Baldwin (Go Tell It on the Mountain), Edward P. Jones (Lost in the City), e Jhumpa Lahiri (Unaccustomed Earth) como inspiracións.^[4][6][16]

• Homegoing (2016)

• Premio Nacional John Leonard do Círculo de Críticos Literarios ao mellor primeiro libro^[17]
• Premio Hemingway Foundation/PEN ao mellor primeiro libro de ficción^[18]
• Premio 5 under 35 da National Book Foundation
• American Book Award^[19]
• 2017: Granta Mellor escritora nova estadounidense^[20][21][22]

• NYT SundayReview Opinion by Yaa Gyasi, "I'm Ghanaian-American. Am I Black?" 8 de xuño de 2016
• Entrevista en Daily Show con Trevor Noah Arquivado 28 de novembro de 2020 en Wayback Machine. (vídeo, 5:43), 16 de agosto de 2016
• Entrevista en Late Night con Seth Meyers (vídeo, 3:15), 2 de agosto de 2016
• Entrevista de Tavis Smiley Arquivado 05 de marzo de 2018 en Wayback Machine. (vídeo, 11:34) e transcrición, 2 de xuño de 2016
• Kate Kellaway, "Yaa Gyasi: ‘Slavery is on people’s minds. It affects us still’", The Guardian, 8 de xaneiro de 2017.
• "Yaa Gyasi" Arquivado 07 de xullo de 2019 en Wayback Machine., en Foyles.
• Alec Russell, "Yaa Gyasi: ‘Racism is still the drumbeat of America’", 20 de abril de 2018.