Waltham Forest

É unha mestura de urbanizacións residenciais e a quinta parte do distrito está ocupada por bosques, reservas naturais, espazos abertos, parques e campos de xogo. Localízase entre parte de Epping Forest polo leste e o río Lee polo oeste, co que forma dous corredores verdes. Waltham Forest foi un dos cinco distritos de Londres seleccionados para acoller os Xogos Olímpicos de verán de 2012.

• Highams Park
• Leyton
• Leytonstone
• Walthamstow
• Chingford
• Temple Mills
• Lea Bridge

A Central line do metro dá servizo ao sur do distrito, discorre paralela á autoestrada A12 con estacións en Leyton e Leytonstone. A Victoria Line atravesa o centro do distrito con estacións en Walthamstow Central e Blackhorse Road. A liña do London Overground de Gospel Oak a Barking ten estacións en Walthamstow Queens Road, Blackhorse Road, Leyton Midland Road e Leytonstone High Road.

A National Express East Anglia presta servizo ás estacións de St James Street, Walthamstow Central, Wood Street, Highams Park e Chingford, tendo como principal orixe e destino a estación de Liverpool Street.

Waltham Forest foi o lugar de nacemento do polifacético William Morris, o futbolista David Beckham e o director e produtor de cine Alfred Hitchcock, estes dous últimos no barrio de Leytonstone. A banda de heavy metal Iron Maiden formouse en Leyton e os máis dos seus compoñentes naceron tamén neste distrito.

• Leyton Orient Football Club
• Leyton Football Club
• Waltham Forest F.C.
• Lee Valley Lions

O distrito de Waltham Forest está irmandado ^[1] con:

• Saint-Mandé, Francia
• Wandsbeck, Alemaña

Tamén se teñen establecido relacións de irmandade con:

• St John's, Antiga e Barbuda
• Roseau, Dominica
• Mirpur, Paquistán