Walter Kasper
Walter Kasper, nado en Heidenheim an der Brenz (Baden-Württemberg) o 5 de marzo de 1933, e un cardeal alemán, presidente do Consello Pontificio para Promover a Unidade dos Cristiáns entre 2001 e 2010.
Traxectoria
Foi ordenado sacerdote da diocese de Rottenburg o 6 de abril de 1957 polo seu bispo, Carl Joseph Leiprecht.
O 17 de abril de 1989 foi nomeado bispo de Rottenburg-Stuttgart. Recibiu a ordenación episcopal o 17 de xuño, de mans do arcebispo de Friburgo Oskar Saier.
O 16 de marzo de 1999 foi nomeado secretario do Consello Pontificio para Promover a Unidade dos Cristiáns, deixando o 31 de maio a súa diocese e marchando a Roma.
O 21 de febreiro de 2001 o papa Xoán Paulo II creouno cardeal co título de Cardeal-Diácono de Ognissanti in Via Appia Nuova, e o 3 de marzo pasou a presidir o devandito consello pontificio. O 1 de xullo de 2010 retirouse como presidente emérito, e aos poucos meses foi elevado ao rango de Cardeal-Presbítero.
Dignidades da Igrexa católica | ||
---|---|---|
Predecesor: Georg Moser | Bispo de Rottenburg-Stuttgart 1989 - 1999 | Sucesor: Gebhard Fürst |
Predecesor: Edward Idris Cassidy | Presidente do Consello Pontificio para Promover a Unidade dos Cristiáns 2001 - 2010 | Sucesor: Kurt Koch |