Voyna i mir

Voyna i mir (en ruso: Война и мир) é un filme soviético co-escrito e dirixido por Sergei Bondarchuk. É unha adaptación cinematográfica da novela de 1869 Guerra e paz de Lev Tolstoi. O filme, estreado en catro partes entre 1966 e 1967, está protagonizado por Bondarchuk no papel de Pierre Bezukhov, xunto con Vyacheslav Tikhonov e Ludmila Savelyeva, que interpretan o príncipe Andrei Bolkonsky e a Natasha Rostova, respectivamente.

Voyna i mir
Ficha técnica
Título orixinal	Война и мир
Director	Sergei Bondarchuk
Produtor	Viktor Tsirgiladze Nikolai Ivanov G. Meerovich V. Krivonoschenko
Guión	Sergei Bondarchuk Vasily Solovyov
Baseado en	Guerra e paz de Lev Tolstoi
Intérpretes	Sergei Bondarchuk Ludmila Savelyeva Vyacheslav Tikhonov
Música	Vyacheslav Ovchinnikov
Fotografía	Anatoly Petritsky Yu-Lan Chen Alexander Shelenkov
Montaxe	Tatiana Likhacheva
Estudio	Mosfilm
Distribuidora	Continental Distributing (USA)
Estrea	1966-1967
Duración	Parte I: 147 minutos Parte II: 100 minutos Parte III: 84 minutos Parte IV: 100 minutos Total: 431 minutos[1]
Orixe	Unión Soviética
Xénero	Bélico e drama
Orzamento	8 291 712 rublos soviéticos
Recadación	58 000 000 rublos soviéticos
Na rede

O filme foi producido polos estudios Mosfilm entre 1961 e 1967, cun considerable apoio das autoridades soviéticas. Cun custo de 8,29 millóns de rublos soviéticos, foi o filme máis custoso xamais feito na Unión Soviética. Dende a súa estrea, converteuse nun grande éxito de audiencia, vendendo arredor de 135 millóns de entradas na Unión Soviética. Voyna i mir tamén gañou o Gran Premio do Festival Internacional de Cinema de Moscova, o Globo de Ouro á mellor película en lingua non inglesa e o Óscar ó mellor filme en lingua non inglesa.