Tremarctinos

Artigo principal: Úrsidos.

Tremarctinos
Tremarctinae

Rango fósil: eoceno - actualidade

Un oso de anteollos no Zoo Tennōji de Osaka

A dos tremarctinos (Tremarctinae) é unha subfamilia de mamíferos da orde dos carnívoros e familia dos úrsidos.

Na actualidade a subfamilia só inclúe un representante vivo Tremarctos ornatus, coñecido na bibliografía como oso de anteollos, única especie de oso de América do Sur.

Á parte desta, están rexistradas varias especies extintas de catro xéneros:

Unha do xénero Tremarctus: Tremarctos floridanus, da Florida.
Os chamados "osos de cara curta norteamericanos", dos xéneros Plionarctos (P edensis e P. harroldorum) e Arctodus (A. pristinus e A. simus)
Os denominados "osos de cara curta suramericanos" do xénero Arctotherium (A. latidens, A. brasilense,^[2] A. angustidens, A. vetustum, A. bonariense, A. tarijense e A. wingei.^[3]

Taxonomía

A subfamilia Tremarctinae foi descrita en 1925 por John Campbell Merriam e Chester Stock.^[1]

Os seus xéneros foron incluídos en 1970 por P. E. Bjork na familia dos úrsidos.^[4]

Finalmente, na actualidade (a partir de 2008), é recoñecida como unha das tres subfamilias dos úrsidos .^[5]

Subfamilia Tremarctinae
- Xénero Arctodus †
- Xénero Arctotherium †
- Xénero Plionarctos †
- Xénero Tremarctos