Touro salvaxe
Touro salvaxe (en inglés: Raging Bull), é un filme estadounidense de 1980 dirixido por Martin Scorsese e baseado no libro Raging Bull: My Story do boxeador Jake La Motta. Robert De Niro interpreta o boxeador de peso mediano cunha rabia sadomasoquista, celos sexuais e apetito brutal que exceden os límites do cuadrilátero e destrúen a súa relación coa súa esposa e a súa familia. Joe Pesci interpreta a Joey, irmán e director de LaMotta que o axuda a loitar contra si mesmo, e Cathy Moriarty interpreta a súa esposa. O filme foi candidato a oito premios Oscar e conseguiu dous, mellor montaxe e mellor actor.[3]
| Touro salvaxe | |
|---|---|
| Ficha técnica | |
| Título orixinal | Raging Bull |
| Director | Martin Scorsese |
| Produtor | Irwin Winkler Robert Chartoff |
| Guión | Paul Schrader Mardik Martin |
| Baseado en | Raging Bull: My Story de Jake LaMotta Joseph Carter Peter Savage |
| Intérpretes | Robert De Niro Joe Pesci Cathy Moriarty |
| Fotografía | Michael Chapman |
| Montaxe | Thelma Schoonmaker |
| Estudio | United Artists |
| Estrea | 14 de novembro de 1980 |
| Duración | 129 minutos[1] |
| Orixe |  Estados Unidos |
| Orzamento | 18 millóns de dólares[2] |
| Recadación | 23,4 millóns de dólares (Norteamérica)[2] |
| Na rede | |
           | |
Touro salvaxe está considerado un dos mellores filmes da historia do cinema estadounidense[4] e foi elixido en varias listaxes dos mellores filmes polo American Film Institute.[5]
En 1990 o filme foi considerado "cultural, histórica e esteticamente significativo" pola Biblioteca do Congreso dos Estados Unidos de América e seleccionado para a súa preservación no National Film Registry.[6]
Argumento
Jake LaMotta é un mozo boxeador italoestadounidense que adestra arduamente para chegar a ser o número un nos pesos medios. Coa axuda do seu irmán, Joey, verá ese soño feito realidade moito despois. Con todo, a fama e o éxito só conseguen empeorar as cousas. O seu matrimonio vai cada vez peor debido á súa vida clandestina con outras mulleres, aos celos sexuais e as infidelidades da súa esposa por vinganza, e por outra banda a mafia presiónao para que os seus combates estean amañados.
Elenco
- Robert De Niro - Jake LaMotta
- Cathy Moriarty - Vickie Thailer LaMotta
- Joe Pesci - Joey LaMotta
- Nicholas Colasanto - Tommy Como
- Theresa Saldana - Lenora LaMotta (esposa de Joey)
- Frank Vincent - Salvy "Batts"
- Mario Gallo - Mario
- Frank Adonis - Patsy
- Charles Scorsese - Charlie
- Michael Badalucco - Vendedor de sodas
- John Turturro - Individuo do Webster Hall (sen acreditar)
Notas
Véxase tamén
Bibliografía
- Baxter, John (2006) [2002]. De Niro: A Biography. Londres: HarperCollins Entertainment. ISBN 9780006532309. OCLC 53460849.
- Biskind, Peter (1998). Easy Riders, Raging Bulls. Nova York: Simon & Schuster. ISBN 0-684-80996-6.
- Evans, Mike (2006). The Making of Raging Bull. Londres: Unanimous Ltd. ISBN 1-903318-83-1.
- Scorsese, Martin (1996). Thompson, Christie; David, Ian, eds. Scorsese on Scorsese (updated ed.). Londres: Faber & Faber. ISBN 9780571178278. OCLC 35599754.