Toni Nakić
Toni Nakić, nado o 1 de xuño de 1999 en Šibenik, é un xogador croata de baloncesto profesional internacional. Formado nas categorías inferiores do GKK Šibenka, actualmente xoga para o Río Breogán da Liga ACB.[1] Cunha altura de 2,00 m, xoga nas posicións de ala e ala-pivote.[2] Na temporada 2021−22 foi o MVP das Finais da HT Premijer liga, máxima categoría do baloncesto croata.
| Río Breogán – No. 99 | |
| Información persoal | |
|---|---|
| Nacemento | 1 de xuño de 1999 (25 anos) Šibenik, Croacia |
| Altura | 2,00 m (6 ft 7 in) |
| Peso oficial | 89 kg (196 lb) |
| Posición | Ala / Ala-pivote |
| Liga | ACB / Champions League |
| Información da carreira | |
| Internacional |  Croacia |
| Carreira | 2014−presente |
| Historial de equipos | |
| GKK Šibenka (2014–2020) Cibona Zagreb (2020−2022) Río Breogán (2022− ) | |
Traxectoria
Nado en Šibenik, Nakić comezou a xogar desde os 14 anos no principal equipo da súa cidade natal, o GKK Šibenka. a xogar ao baloncesto. No Šibenka destacou nas temporadas 2018−19 e 2019−20, onde promediou preto de 16 puntos, 5 rebotes e 3 asistencias por encontro. O seu rendemento levouno a asinar en 2020 polo Cibona Zagreb, equipo onde xogou tanto na liga doméstica como na Liga ABA. Co equipo da capital croata conseguiu o título de liga en 2022, onde achegou 8 puntos e 3 rebotes por encontro cunha porcentaxe en lanzamentos de tres do 43,5%, sendo ademais nomeado mellor xogador das finais da liga. A nivel internacional xogou tanto para todas as categorías inferiores como para a selección absoluta de Croacia.
Clubs
Ao longo da súa carreira, Nakić ten xogado para os seguintes equipos profesionais:[2]
GKK Šibenka (HTPL, 2014–2020)- Cibona Zagreb (ABA / HTPL, 2020−2022)
CB Breogán (ACB, 2022− )
Palmarés
- Campión da Liga de Croacia (1): 2022
- Campión da Copa de Croacia (1): 2022
- MVP das Finais da Liga de Croacia (1): 2022
- Medalla de Prata no Eurobasket 2018