Tierra Gallega (A Coruña)
Tierra Gallega foi un periódico editado na Coruña entre 1903 e 1917. Tivo unha segunda etapa en 1933.
| Tierra Gallega | |
|---|---|
| Fundación | 1 de setembro de 1903 e 25 de xaneiro de 1933 |
| Lingua | lingua castelá |
| Localidade | A Coruña |
| [ editar datos en Wikidata ] | |
Historia e características
Diario republicano que apareceu o 1 de setembro de 1903[1], órgano do partido republicano da Coruña continuador de El Combate[2] e portavoz do republicanismo en Galicia.[3] Foron os seus directores Eladio Fernández Diéguez e Adolfo Lahorra (1910[4]-1914[5]). Antonio Carballo Tenorio foi un dos redactores e entre os seus colaboradores figuraron Leandro Carré Alvarellos (co pseudónimo "L. de S.") e Antón Villar Ponte.
En 1914 Santiago Casares Quiroga asumiu a dirección do periódico, que defendeu o autonomismo galego, renegando do vello federalismo. Mantivo unha liña neutral ante o conflito da primeira guerra mundial, o que provocou un enfrontamento cos partidarios de que o periódico apoiase os aliados.
Segunda etapa
En 1933 a dirección da Organización Republicana Gallega Autónoma acordou editar de novo o xornal. Saíu á luz o 25 de xaneiro con Julio Wonenburger como director[6], aínda que en febreiro aparece como director Avelino López Otero[7]. Non conseguiu consolidarse e pechou o 4 de xuño dese ano.
Notas
Véxase tamén
Bibliografía
- Durán, J.A. (xullo/setembro 1973). "Agrarios del minifundio: los solidarios (1907-1912". REOP (Revista española de la opinión pública) (Madrid: Centro de Investigaciones Sociológicas) (33): 23–110. JSTOR 40181964.
- Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8.