Tequixquiac
Tequixquiac é un concello ao norte do Estado de México, en México. Limita coas municipalidades de Apaxco, Hueypoxtla, Zumpango, Huehuetoca e con Atotonilco de Tula no estado de Hidalgo.[1] A súa área é de 122.32 km², e a súa poboación era de 33 907 habitantes no ano 2010. A cabeceira municipal ou sede do goberno é Santiago Tequixquiac, a segunda poboación importante é Tlapanaloya, máis conta con outras localidades como Colonia Wenceslao Labra, a ranchería de La Heredad e as facendas do Cenicero e Montero.[2]
Localización | |||||
---|---|---|---|---|---|
| |||||
Estado | México | ||||
Estado federado | Estado de México ![]() | ||||
Capital | Santiago Tequixquiac ![]() | ||||
Xeografía | |||||
Superficie | 80,34 km² ![]() | ||||
Altitude | 2.100 m ![]() | ||||
Identificador descritivo | |||||
Código postal | 55650 ![]() | ||||
Páxina web | tequixquiac.gob.mx ![]() |
Topónimo
Tequixquiac identifícase co nome na lingua náhuatl de Tequixquiac (cfr. nahuatl actual Tequixquitl (salitre ou tequiesquite (bicarbonato de sodio co sal), atl (auga), e o sufixo de lugar -c). O seu actual nome provén do náhuatl que significa "lugar das augas salitrosas".[3]
Historia
Os primeiros poboadores de Tequixquiac foron indíxenas otomís, que decidiron establecerse neste lugar de maneira definitiva pola abundancia de ríos e mananciais. Dedicáronse principalmente á agricultura e á crianza de animais domésticos.[1]
En 1152, os aztecas no camiño até o Val de México, procedentes de Tula Xicocotitlan deciden establecerse en Tequixquiac por un curto período de tempo nun lugar chamado Tepetongo.
O 29 de novembro de 1820 fundouse o concello de Tequixquiac baixo as ordenanzas da constitución de Cádiz, durante o movemento de independencia da Nova España.
Xeografía
O concello sitúase ó norte do Estado de México, a 84 quilómetros ao norte da Cidade de México e 280 quilómetros da cidade de Toluca de Lerdo (capital do estado).[1]
Política e goberno
![](http://upload.wikimedia.org/wikipedia/commons/thumb/c/c2/Palacio_Municipal_de_Tequixquiac.jpg/220px-Palacio_Municipal_de_Tequixquiac.jpg)
O concello está formado por un presidente municipal ou alcalde, un síndico, un tesoureiro, un secretario da xunta e rexidores das delegacións. A elección é por representación democrática que encabezan os partidos políticos para un período de tres anos de goberno.
Alcaldes
|
Demografía
![](http://upload.wikimedia.org/wikipedia/commons/thumb/8/8e/Mexico_Estado_de_Mexico_Tequixquiac_communities_map.svg/300px-Mexico_Estado_de_Mexico_Tequixquiac_communities_map.svg.png)
O concello de Tequixquiac ten unha poboación de 33 907 habitantes; dos que 16 794 son homes e 17 113 son mulleres. As estatistícas corresponden ao censo de poboación do ano 2010.[4]
Localidades do concello
O concello ten moitas localidades e na seguinte táboa amósanse as principais parroquias.
Localidades | Poboación |
Total do concello | 33 907 |
Santiago Tequixquiac | 25 430 |
Tlapanaloya | 6 466 |
Wenceslao Labra | 1 248 |
Cultura
Conta cun bo número de manifestacións culturais e unha grande historia, polo que é coñecido como o berce da arte prehistórica de América[5].
Cóntase neste concello con algúns vestixios arqueolóxicos e arquitectónicos do seu pasado precolombiano e colonial español, sendo o recinto máis importante a igrexa ou parroquia de Santiago Apóstolo,[1] edificio barroco que conserva as súas características de deseño orixinal.
Galería de imaxes
- Sitio arqueolóxico, Los Mogotes.
- Igrexa de Santiago Apóstolo en Tequixquiac.
- Igrexa da Asunción en Tlapanaloya.
- Capela do Calvario en Santiago Tequixquiac.
- Fornos de cal, en El Tajo.
- O pazo dos Parrocos en Santiago Tequixquiac.