Stenodus
Stenodus | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() Stenodus nelma, pescado no curso medio do río Obi | |||||||||||||||||||||||||||
Clasificación científica | |||||||||||||||||||||||||||
| |||||||||||||||||||||||||||
Especies | |||||||||||||||||||||||||||
| |||||||||||||||||||||||||||
Sinonimia | |||||||||||||||||||||||||||
|
Stenodus é un xénero de peixes osteíctios da familia dos salmónidos, un dos tres comprendidos na subfamilia dos coregoninos.[1][2][3]
![](http://upload.wikimedia.org/wikipedia/commons/thumb/d/d1/FWS_agent_Frank_Glaser_with_two_sheefish_caught_thru_the_ice_by_Eskimos_at_Kotzebue.jpg/240px-FWS_agent_Frank_Glaser_with_two_sheefish_caught_thru_the_ice_by_Eskimos_at_Kotzebue.jpg)
Taxonomía
Descrición
O xénero foi descrito en 1836 polo explorador, médico cirurxián, militar e naturalista escocés John Richardson,[1][2][3] e publicado en: Richardson. J. "Fishes". En Back, G. Narrative of the Arctic land expedition to the mouth of the Great Fish River, and along the shores of the Arctic Ocean in the years 1833, 1834, and 1835. Londres. 1-663.
Etimoloxía
O nome científico Stenodus está formado pola unión dos elementos do latín científico sten- e -odus, tirados do grego antigo στενός stenós, "estreito", e ὀδούς, odoús, "dente", respectivamente.[4] Literalmente, "os de dentes estreitos".
Sinónimo
Ademais de polo seu nome actualmente válido, o xénero coñeceuse tamén polo sinónimo:[2]
- Luciotrutta Günther, 1866
Especies
O xénero comprende tan só dúas especies:[1][2][3]
- Stenodus leucichthys (Güldenstädt, 1772) - Extinto na natureza, pero aínda presente en catividade.[5]
- Stenodus nelma (Pallas, 1773) - Que vive nos ríos da conca ártica.
Nota etimolóxica
Até datas recentes considerábase un xénero monoespecífico con dúas subespecies, pero recentemente considéranse as dúas especies citadas.[6]
Características
Son peixes dulciacuícolas que habitan en ríos que desembocan no océano Ártico e en ríos tributarios do mar Caspio.[7]
Anatomica e xeneticamente son silimares aos outros corégonos, pero de corpo máis esvelto.[8][9]
As especies do xénero Stenodus distínguese dos outros corégonos polo seu moito maior tamaño e a súa morfoloxía, especializada na depredación.[10][11]
Relacións co home
Son especies de escasa pesca comercial, pero que presentan un gran potencial para o seu potencial cultivo en acuicultura, e teñen un grande interese na pesca deportiva.[12]
Notas
Véxase tamén
Bibliografía
- Eschmeyer, W. N., ed. (2014): Catalog of fishes: Genera, Species, References. California Academy of Sciences, department Ichtyology.
- Froese, Rainer & Pauly, Daniel, eds. (2013): Epecies de Stenodus Arquivado 14 de marzo de 2022 en Wayback Machine. en FishBase.
- Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7, pp. 69–82.