Stan Valckx
Stanislaus Henricus Christina Valckx, máis coñecido como Stan Valckx, nado en Arcen o 20 de outubro de 1963) é un exfutbolista neerlandés que xogaba como defensa central.[1]
Stan Valckx | |||
---|---|---|---|
Información persoal | |||
Nome | Stanislaus Henricus Christina Valckx | ||
Nacemento | 20 de outubro de 1963 | ||
Lugar de nacemento | Arcen | ||
Altura | 1,81 m. | ||
Posición | Defensa central | ||
Carreira xuvenil | |||
–1982 | RKDEV | ||
1982–1983 | VVV | ||
Carreira sénior | |||
Anos | Equipos | Aprs | (Gls) |
1982–1988 | VVV | 146 | (15) |
1988–1992 | PSV | 115 | (5) |
1992–1994 | Sporting | 69 | (5) |
1994–2000 | PSV | 106 | (5) |
Total | 434 | (30) | |
Selección nacional | |||
1990–1996 | Países Baixos | 20 | (0) |
Na rede | |||
Partidos e goles só en liga doméstica. [ editar datos en Wikidata ] | |||
Traxectoria
Nacido na vila limburguesa de Arcen, comezou a súa carreira como futbolista no RKDEV, pasando na tempada 1982/83 ao VVV-Venlo, da segunda división neerlandesa. Militou nese equipo durante seis tempadas, as tres últimas na Eredivisie, á que o club ascendeu na campaña 1984/85.
En 1988 fichou polo PSV Eindhoven e ao pouco de chegar disputou co equipo de Brabante do Norte a Copa Intercontinental no Estadio Nacional de Toquio, perdendo diante do Nacional de Montevideo na quenda de penaltis. Valckx foi fundamental na conquista de tres ligas e dúas Copas dos Países Baixos nos seguintes anos.
En 1992 deixou o seu país para xogar co Sporting de Portugal, equipo no que militou durante os seguintes dous anos. En outubro de 1994 volveu ao PSV, co que gañou outras dúas ligas e outra copa antes de retirarse en xuño de 2000, con case 37 anos de idade e con máis de 500 partidos oficiais no seu haber.
Selección nacional
Foi 20 veces internacional coa selección dos Países Baixos, coa que debutou o 26 de setembro de 1990 nun amigable contra Italia (0-0). Disputou coa selección neerlandesa o Mundial de 1994, no que xogou catro partidos, caendo nos cuartos de final a mans do posterior campión, o Brasil.
Trala retirada
Posteriormente foi durante anos director deportivo do PSV e máis tarde ocupou un posto semellante no Shanghai Shenhua FC da China e no Wisła Kraków de Polonia. En 2014 volveu ao VVV como asesor técnico.
Palmarés
PSV
- Eredivisie (5): 1988/89, 1990/91, 1991/92, 1996/97, 1999/00.
- Copa KNVB (3):: 1988/89, 1989/90, 1995/96.
- Supercopa dos Países Baixos (3): 1996, 1997, 1998.
Notas
Véxase tamén
Ligazóns externas
- Datos do xogador en foradejogo.net (en portugués). Arquivado dende o orixinal o 11 de abril de 2021.
- Datos do xogador no sitio web da FIFA (en inglés). Arquivado dende o orixinal o 11 de abril de 2021.