Sica (filme)
Sica é un filme español de 2023 escrito e dirixido por Carla Subirana. O filme rodouse na Costa da Morte e presentouse na 73ª edición do Festival Internacional de Cinema de Berlín en febreiro de 2023, concretamente na sección "Generation". Foi o filme de peche do Festival Internacional de Barcelona-Sant Jordi en abril de 2023.[2]
| Sica | |
|---|---|
| Ficha técnica | |
| Título orixinal | Sica |
| Director | Carla Subirana |
| Intérpretes | Thais García Blanco Núria Prims Lois Soaxe |
| Estrea | 2023 |
| Duración | 91 minutos |
| Orixe |  España |
| Xénero | Drama |
| Recadación | 36.392,36 €[1] |
| Na rede | |
  | |
A música é de Xavier Font e a fotografía de Mauro Herce.[3] A produción, de Alba Sotorra, Miramemira, Zuzú Cinema, Amorambre Films e Filmmarket Fund,[4] contou coa participación de TV3. Foi rodado maioritariamente en galego e tamén en catalán.[4]
Sinopse
O filme explica a busca realizada por unha moza de 14 anos, Sica, obsesionada con que o mar devolva o cadáver do seu pai logo dun naufraxio na Costa da Morte, en Galicia. Sica busca obsesivamente a voz do seu pai nun gran buraco: a Furna das Grallas.[5][3]
Personaxes
- Thais García Blanco como Sica
- Núria Prims como Carmen
- Lois Soaxe como o portugués