Sergio Llull
Sergio Llull Melià, nado o 15 de novembro de 1987 en Maó, é un xogador de baloncesto profesional español que xoga para o Real Madrid da Liga ACB. Mide 1,92 metros, pesa 95 kg e pode xogar nas posicións de base e escolta.
.jpg) | |
| Real Madrid – No. 23 | |
| Información persoal | |
|---|---|
| Nacemento | 15 de novembro de 1987 (36 anos) Maó, Menorca |
| Nacionalidade |  España |
| Altura | 1,92 m (6 ft 3.75 in) |
| Peso oficial | 95 kg (210 lb) |
| Posición | Base / Escolta |
| Liga | ACB |
| Información da carreira | |
| Carreira | dende 2005 |
| Historial de equipos | |
| |
| Premios e galardóns | |
| |
Traxectoria
Llull comezou xogando nas canteiras do La Salle Mahón e do CB i Unió Manresana. Fixo o seu debut na Liga ACB co Bàsquet Manresa na tempada 2005-06, o 8 de xaneiro de 2006. Esa mesma tempada xogou 11 partidos coma cedido no Finques Olesa. Á seguinte tempada estivo de volta no Manresa, e en maio de 2007 fichou polo Real Madrid.[1] En 2010, Llull estendeu o seu contrato co Real Madrid ata o ano 2014.[2]
Foi elixido polos Denver Nuggets na 34ª posición do Draft da NBA de 2009. Os Houston Rockets mercaron os seus dereitos por unha cantidade preto dos 2.25 millóns de dólares.[3]
Clubs
- La Salle Mahón (categorías inferiores)
- 2005 - 2006: Finques Olesa
- 2005 - 2007: Bàsquet Manresa
- Dende 2007: Real Madrid
Palmarés
Selección
Medalla de ouro no Campionato de Europa Sub-18 2004.
Medalla de prata no Campionato de Europa Sub-20 2007.- Medalla de ouro no Eurobasket 2009 en Polonia.
- Medalla de ouro no Eurobasket 2011 en Lituania.
- Medalla de prata nos Xogos Olímpicos de 2012 en Londres.
Club
- Real Madrid
- 3 Liga ACB: 2006–07, 2012–13, 2014–15
- 3 Copa do Rei: 2012, 2014, 2015
- 3 Supercopa de España: 2012, 2013, 2014
- 1 Euroliga: 2014–15