STS-74
STS-74 foi unha misión do transbordador espacial Atlantis lanzada o 12 de novembro de 1995 desde a rampla 39A do Centro de Lanzamento de Cabo Cañaveral.[2][3][5][6]
STS-74 | |
---|---|
![]() Lanzamento da misión STS-74. | |
Tipo | Tripulado |
Organización | NASA |
Data de lanzamento | 12 de novembro de 1995, 12:30 GMT[1][2][3][4] |
Foguete portador | Transbordador espacial[3][5] |
Sitio de lanzamento | Centro de Lanzamento de Cabo Cañaveral, rampla 39A[3][6] |
Duración da misión | 8,19 días[6] |
Obxectivo da misión | Acoplamento coa estación espacial Mir.[3][6] |
Regreso | 20 de novembro de 1995[6] |
Sitio de regreso | Centro Espacial Kennedy |
NSSDC ID | 1995-061A |
Características
STS-74, con cinco astronautas (Kenneth Cameron, James D. Halsell, Jerry Ross, William S. McArthur e Chris Hadfield) a bordo, foi lanzada para acoplarse coa estación espacial Mir, intercambiar equipamento e facer experimentos.[3][5][6][7]
A misión foi a segunda na que un transbordador se acoplou á Mir das sete planificadas entre 1995 e 1997. O Atlantis levou ata a estación un módulo específico para o acoplamento dos transbordadores coa estación e dous paneis solares, así como subministracións e diverso equipamento, e levou de regreso a terra mostras de experimentos, equipamento para a súa reparación e análise e produtos fabricados na estación. A bordo tamén ía o instrumento GPP para o estudo da termosfera terrestre, a ionosfera e a mesosfera.[3][5][6][7]
O transbordador regresou a terra no Centro Espacial Kennedy o 20 de novembro de 1995.[3][5][6][7]