STS-102
STS-102 foi unha misión do transbordador espacial Discovery lanzada o 8 de marzo de 2001 desde a rampla 39B do Centro de Lanzamento de Cabo Cañaveral.[2][3][5][6]
STS-102 | |
---|---|
![]() Lanzamento da misión STS-102 | |
Tipo | Tripulado |
Organización | NASA |
Data de lanzamento | 8 de marzo de 2001, 11:42 GMT[1][2][3][4] |
Foguete portador | Transbordador espacial[3][5] |
Sitio de lanzamento | Centro de Lanzamento de Cabo Cañaveral, rampla 39B[3][6] |
Duración da misión | 12,83 días[6] |
Obxectivo da misión | Montaxe, reparación e aprovisionamento da Estación Espacial Internacional.[3][6] |
Regreso | 21 de marzo de 2001[6] |
Sitio de regreso | Centro de Lanzamento de Cabo Cañaveral, Florida[6] |
NSSDC ID | 2001-010A |
Características
STS-102, con catro astronautas a bordo, foi unha misión para continuar construíndo a Estación Espacial Internacional. A tripulación estaba formada polo comandante James Wetherbee, o piloto James Kelly e os especialistas de misión Andrew S. W. Thomas e Paul W. Richards. O Discovery acoplouse coa estación o 9 de marzo ás 5:34 UT co obxectivo principal de levar subministracións no módulo multipropósito italiano (MPLM polas súas siglas en inglés, MultiPurpose Logistics Module) Leonardo e traer de volta lixo e equipos averiados ou sen utilidade. O MPLM, un cilindro de 6,4 x 4,6 m aloxado na bodega de carga do Discovery e derivado dos módulos Spacelab, levaba dentro equipamento para facer experimentos. A tripulación fixo algúns paseos espaciais para instalar a plataforma que soportaría o brazo robótico Canadarm 2, que sería levado na misión STS-100.[3][5][6][7]
O Discovery aterrou no Centro de Lanzamento de Cabo Cañaveral, Florida, o 21 de marzo de 2001.[3][5][6]