Roland Møller

No ano 2000, apareceu como rapeiro na banda sonora da película infantil Mirakel baixo o sobrenome artístico de Dappa Don, xunto con Den Gale Pose, Szhirley e L. O. C. coa canción "Generation W", que posteriormente apareceu no álbum de Den Gale Pose Definitionen af en stodder  (2001).

Roland Møller medrara no ambiente criminal de Odense e estivera na cadea varias veces ata 2002, totalizando catro anos e medio de condena por dez atracos^[2]. Aparece semanalmente no programa Politiradio de Radio24Syv, onde adoita falar sobre o crime e o castigo, en especial dirixíndose a mozos que están en risco de entrar no mundo da delincuencia^[3].

Tras a súa derradeira estada na prisión de Horsens en 2002 logrou un contrato como compositor do rapeiro Jokeren, entrando en contacto coa industria cinematográfica^[4][5]. En 2006 escribiu a canción "De frie købmænd"  de Jokeren e Mark Linn para a película Fidibus.

O seu debut cinematográfico foi en 2010 co drama carcerario R dirixido por Tobias Lindholm e Michael Noer. Dous anos despois, dirixiuno de novo Lindholm no multipremiado Kapringen. Pola súa interpretación en Nordvest de Michael Noer logrou o premio Bodil ao mellor actor secundario. O seu primeiro papel protagonista foi en Under sandet, interpretando ao sarxento Rasmussen, co que logrou ao premio Bodil ao mellor actor.