Richie Ginther

Richie Ginther criouse na mesma cidade californiana do futuro campión do mundo de Fórmula Un Phil Hill, e foi a través de Hill, amigo do irmán máis vello de Ginther, que Richie Ginther correu a primeira carreira.^[2] Logo de terminar a escola, en 1948 Richie Ginther seguiu os pasos do seu pai e foise a traballar para Douglas Aircraft, inicialmente no almacén de ferramentas e matrices. No seu tempo libre axudáballe a Phill Hill a reparar, manter e correr coa súa colección de coches antigos e hot rods,^[3] cando a carreira de Hill comezou a coller pulo. Ginther fixo o seu propio debut en Pebble Beach en 1951, pilotando un deportivo MG tipo T con motor Ford.^[4]

Con todo, a carreira de Ginther suspendeuse pouco despois durante dous anos debido ao servizo militar durante a Guerra de Corea. Durante este tempo adquiriu formación e experiencia en aeronaves e motores mecánicos, habilidades as que máis tarde deu un bo uso durante a súa carreira como piloto.

Ginther fixo o seu debut na F1 no Gran Premio de Mónaco de 1960 con Ferrari, con quen quedou ata a tempada de 1961. En setembro no Gran Premio de Italia de 1960 en Monza quedou segundo tras Phil Hill. Ginther liderou desde o inicio ata a volta 25, cando Hill pasouno e liderou ata o final.^[5]

En 1961 Ginther era o 3º piloto de Ferrari, detrás do 1º Wolfgang von Trips e o 2º Hill. Giancarlo Baghetti pilotaba o 4º coche. O director do equipo era Romulo Tavoni.^[6]

O 14 de maio de 1961, Ginther terminou segundo tras Stirling Moss no Gran Premio de Mónaco de 1961, só a 3´6 segundos por detrás, uns poucos metros.Pilotaba o novo Ferrari con motor traseiro.^[7] Ginther clasificouse en primeiro lugar, por diante de Hill, cunha velocidade media de 113´8 km/h, e un tempo de clasificación de 1:39.3. Que eclipsou a marca anterior de 1:39.6 .^[8]

En agosto de 1961 Ginther e Baghetti foron compañeiros de equipo no Gran Premio de Pescara. O seu Ferrari lideraba na décima volta, cando se detivo nun tramo recto cunha roda picada.^[9] Ginther fixo unha velocidade media de máis de 214 km/h nos 10 km. do Autodromo Nazionale Monza en setembro de 1961, para liderar o primeiro día da clasificación para o Gran Premio de Italia de 1961.^[10] Von Trips cualificado primeirocon Ginther na terceira posición de partida detrás de Ricardo Rodríguez.^[11] Ginther retirouse da carreira. Von Trips morreu nun espectacular accidente nasegunda volta, no que tamén morreron once espectadores.^[12]Algúns dos que resultaron feridos, finalmente sucumbiron, resultaron un total de quince mortes. O equipo Ferrari deixou a competición ata o 1 de xaneiro de 1962 como unha mostra de respecto a Von Trips.^[13]

En 1962 pasou ao equipo británico BRM para competir xunto a Graham Hill, o máis destacado foi o terceiro lugar no Campionato Mundial de 1963 detrás de Hill. Anotou máis puntos que o seu compañeiro de equipo en toda a tempada, pero só contaban as seis mellores puntuacións para o campionato.

A súa reputación como un sólido "corredor de equipo" e un excelente piloto de probas e desenvolvemento valeulle unha invitación para unirse ao equipo Honda en 1965 co que logrou a súa primeira e única vitoria nun GP no Gran Premio de México de 1965. O triunfo tamén foi o primeiro para Honda na Fórmula 1. Ginther fixo 151´7 km/h sobre a revirada pista de 5 km. nas 65 voltas na carreira de Cidade de México. A súa velocidade eclipsou a marca anterior de 150´185 km/h establecido por Dan Gurney en 1964. Tamén foi a primeira vez que Honda participou no Gran Premio de México.^[14] Honda volveu a participar na competencia internacional no Gran Premio de Italia de 1966. O equipo Honda so tiña tres anos e atopouse con dificultades na preparación dun motor máis grande. Ginther lideraba en Italia antes de que o seu coche estrelarase contra un muro de contención e rompeuse a clavícula.^[15]

Ginther gañou 1 carreira, logrou 14 podios, e anotou un total de 107 puntos nos campionatos que participou.

El apareceu nun papel sen acreditar na película de 1966 Grand Prix como John Hogarth, un piloto do equipo xaponés "Yamura". Tamén actuou como un dos asesores técnicos da película.

Ao facer un intento para cualificar para as 500 Millas de Indianápolis de 1967, Ginther decidiu que xa era suficiente e afastouse das carreiras. A Ginther rompéuselle unha tubaria de combustible no seu Indy All-American Eagle que rociouno cunha mestura de etanol e gasolina. Esta experiencia, xunto co recordo de queimarse antes, levou a súa retirada repentina.^[16]

Ginther tamén participou nun Porsche 911 con outros dous pilotos americanos durante a 39ª edición das 24 Horas de Le Mans, en xuño de 1971.^[17]

Richie Ginther morreu dun ataque ao corazón mentres estaba de vacacións coa súa familia en Francia o 20 de setembro de 1989.

(Chave) As carreiras en letra grosa indican pole position; as carreiras en cursiva indican volta rápida.

(Chave) (Carreiras en letra grosa indican pole position)(Carreiras en italica indican volta rápida)

• Biographical article and video on The Speed Blog
• Richie Ginther | #18 of top-20 non-WDC F1 drivers