Rauw Alejandro
Raúl Alejandro Ocasio Ruiz, nado en San Xoán o 10 de xaneiro de 1993, máis coñecido polo seu nome artístico Rauw Alejandro, é un cantautor, bailarín e produtor discográfico portorriqueño.[1]
  | |
| Biografía | |
|---|---|
| Nacemento | (es) Raúl Alejandro Ocasio Ruiz 10 de xaneiro de 1993 (31 anos)San Xoán (Estados Unidos de América) |
| Datos persoais | |
| Outros nomes | Rauw Alejandro |
| Residencia | Os Ánxeles |
| País de nacionalidade | Estados Unidos de América |
| Actividade | |
| Ocupación | cantante , bailarín , compositor de cancións , produtor musical |
| Período de actividade | 2012 - |
| Xénero artístico | R&B contemporáneo, música urbana, Latin R&B (en)  , Reggaeton, Latin trap (pt) e pop latino |
| Lingua | Castelán portorriqueño e lingua inglesa |
| Instrumento | Voz |
| Selo discográfico | Sony Music Latin |
| Familia | |
| Parella | Rosalía (2019–2023) |
Premios
| |
| Páxina web | rauwalejandro.com |
                 | |
Traxectoria
Naceu en San Xoán, e foi criado en Carolina (Porto Rico). Do mesmo xeito ca el, os seus pais tamén son artistas, e influenciárono con cantantes como Elvis Presley e Michael Jackson.[2] O seu pai é Raúl Ocasio, un guitarrista; e a súa nai é María Ruiz, unha corista. Durante varios anos viviu nos Estados Unidos, onde foi influído polos xéneros R&B e dancehall.[3]
En setembro de 2021, confirmouse o seu noivado coa cantante española Rosalía.[4]
Carreira musical
2014-2017: Inicios
Comezou a súa carreira en 2014 coa canción «Inevitable» e mantívose nos anos seguintes lanzando cancións como «Eso que tienes», «Días así», «No me hagas esperar» e «I.D.G.F.» en 2015 e «Pa' serio», «Como nunca», «Mala miña», «Back To Sleep» e «Misiones» en 2016.[5] Lanzou o seu primeiro mixtape titulado Punto De Equilibrio en 2016, o cal contou coas colaboracións de Myke Towers, Álvaro Díaz, Joyce Santana e Rafa Pabön.[6]
Lanzou cancións en 2017 como «Las oportunidades», «Las justas », «Ahora dice», «Tómalo», «Luz roja», «Ta' moja», «Estamos mal», «Se hace tarde» e «Toda» xunto a Alex Rose, o cal contou cunha remestura en 2018 con Cazzu, Lenny Tavárez e Lyanno. Esta remestura conta con máis de 100 millóns de reproducións en Spotify e máis de 1.000 millóns en YouTube.[7]
En 2018, publicou a súa versión da canción «Tú te imaginas» de De la Ghetto co que gañou recoñecemento.[8] Participou en cancións como «Pa' tu casa» e «Luz apaga», coas que logrou consolidarse aínda máis.[9][10] Porén, co lanzamento dos sinxelos «Que le dé» con colaboración de Nicky Jam, as sinxelo «Fantasías» con Farruko, «El efecto» xunto a Chencho Corleone de Plan B, ademais da súa remestura que contou con Bryant Myers, Dalex, Kevvo e Lyanno, lanzárono ao recoñecemento en todo o continente a finais do ano 2019.[11][12]
Publicou o seu primeiro EP titulado Trap Cake en 2019.[13]
En 2020, publicou o seu primeiro álbum de estudio titulado Afrodisíaco, o cal contou coas colaboracións de Anuel AA, J Balvin, Zion & Lennox, Sech, Wisin & Yandel, Arcángel, Randy, Trippie Redd, entre outros.[14]
En 2021, sacou un dos seus temas máis exitosos «Todo de ti».[15] Este tema cultivou seis discos de platino nos Estados Unidos, catro en España e múltiples discos de ouro, algúns na Arxentina ou México. A raíz do éxito deste sinxelo, lanzou o seu segundo álbum de estudio Viceversa, un álbum que conseguiu o número 1 en España, ademais de obter a certificación de platino no país anglosaxón tras superar as 60.000 unidades de devandito material. Noutros países como Colombia ou o Perú, obtivo a certificación de platino e ouro, sendo o álbum máis vendido do cantante até a data.
Discografía
| Título | Listas | Certificacións |
|---|---|---|
| SPA[16] | ||
Afrodisíaco
| 2 |
|
Viceversa
| 1 |
|
Mixtapes
- 2016: Punto de equilibrio
EP
- 2019: Trap Cake
Álbums en directo
- 2020: Concerto virtual en tempos de COVID-19 desde o Coliseo de Porto Rico