Rafael Gil

Empezou a súa actividade en 1931 como crítico cinematográfico, no diario ABC e outras revistas especializadas como Popular Films e Films Selectos. Durante a Guerra Civil rodou varios documentais para o bando republicano. Ao finalizar a guerra iniciou a súa relación coa produtora valenciana CIFESA, dirixindo a súa primeira película en 1941: El hombre que se quiso matar, adaptación do libro de Wenceslao Fernández Flórez e protagonizada por Antonio Casal. O seu primeiro grande éxito foi Eloísa está debajo de un almendro, baseada na obra de Enrique Jardiel Poncela, producida tamén por CIFESA. O éxito impulsou a Rafael Gil a continuar a súa relación con CIFESA, coa que chegou a dirixir oito películas, das que case todas obtiveron un forte éxito.

De non existir o cine cando el abreu os ollos aos gustos e á razón, teríao inventado; porque o cine, para Rafael Gil, chegou a ser unha auténtica necesidade física.

Carlos Fernández Cuenca, «Rafael Gil», en Revista Internacional del Cine, núms. 11–12

Desenvolveu unha extensa actividade que abarcou máis de corenta anos de exercicio como director, rodou sesenta e oito películas, tamén traballou como guionista e produtor. En todas elas contou cun sobresaliente equipo técnico, como o decorador Enrique Alarcón.

Iniciou o seu cine nos anos corenta con tres películas pequenas, sen que supuxesen grandes éxitos, pero que os críticos destacan. De aquí pasou a unha fase na que realizou algúns melodramas de grande éxito e adaptou gran cantidade de obras literarias de clásicos autores españois como Galdós, Lope de Vega, Wenceslao Fernández Flórez, Jardiel Poncela e outros; tamén cultivou o cine histórico e relixioso. Neses anos foi un dos realizadores básicos da industria española do cine. Nos últimos anos da súa carreira, durante os anos oitenta, realizou varias adaptacións do escritor Fernando Vizcaíno Casas.

Nos seus artigos de cine confesábase admirador da obra de Murnau, Charles Chaplin, Buster Keaton, John Ford, Howard Hawks, Frank Capra, Frank Borzage ou King Vidor.

• Flechas, 1939
• El hombre que se quiso matar, 1942
• Huella de luz, 1942 (guionista)
• Viaje sin destino, 1942 (guionista)
• Eloísa está debajo de un almendro, 1943 (guionista)
• El clavo, 1944 (guionista)
• El fantasma y Doña Juanita, 1944 (guionista)
• La pródiga, 1946 (guionista)
• Reina santa, 1947 (guionista)
• La fe, 1947 (guionista)
• La calle sin sol, 1948
• Mare nostrum, 1948
• Don Quijote de la Mancha, 1947 (guionista)
• Una mujer cualquiera, 1949
• Teatro Apolo, 1950
• La noche del sábado, 1950
• La señora de Fátima, 1951
• El gran Galeoto, 1951
• Sor intrépida, 1952
• De Madrid al cielo, 1952 (guionista)
• La guerra de Dios, 1953
• El beso de Judas, 1954
• Murió hace 15 años, 1954
• El canto del gallo, 1955
• La otra vida del capitán Contreras, 1955 (guionista)
• La gran mentira, 1956
• Un traje blanco, 1956
• ¡Viva lo imposible!, 1958
• Camarote de luxo, 1958 (guionista)
• A casa da Troia, 1959
• El Litri y su sombra, 1959
• Siega verde, 1960 (guionista)
• Cariño mío, 1961 (guionista)
• Tú y yo somos tres, 1962 (guionista)
• La Reina del Chantecler, 1962
• Rogelia, 1962 (guionista)
• Chantaje a un torero, 1963
• Samba, 1964 (guionista)
• Currito de la Cruz, 1965
• La nueva vida de Pedrito Andía, 1965 (guionista)
• Camino del Rocío, 1966
• Es mi hombre, 1966
• La mujer de otro, 1967 (guionista)
• El marino de los puños de oro, 1968
• Verde doncella, 1968
• Un adulterio decente, 1969
• Sangre en el ruedo, 1969
• El hombre que se quiso matar, 1970
• El relicario, 1970
• Nada menos que todo un hombre, 1971 (guionista)
• El sobre verde, 1971
• La guerrilla, 1972
• La duda, 1972
• El mejor alcalde, el rey, 1973
• Novios de la muerte, 1974
• Los buenos días perdidos, 1975
• Olvida los tambores, 1975
• A la legión le gustan las mujeres, 1976
• La boda del señor cura, 1979 (guionista)
• Hijos de papá, 1980
• ...Y al tercer año, resucitó, 1981
• De camisa vieja a chaqueta nueva, 1982
• Las autonosuyas, 1983.
• Las alegres chicas de Colsada, 1984.

• La dama del armiño (1947) de Eusebio Fernández Ardavín
• El pobre rico (1942) de Ignacio F. Iquino

• Premio especial ao mellor director na edición de 1947 das medallas do Círculo de Escritores Cinematográficos por La Fe.^[1]
• Medalla do Círculo de Escritores Cinematográficos ao mellor director na edición de 1948 por Mare Nostrum.^[2]
• Concha de Prata ao mellor director na 1ª Semana Internacional do Cine de San Sebastián por La guerra de Dios (1953).^[3]
• León de Bronce do Festival de Venecia por La guerra de Dios (1953).

• Ficha de Rafael GIl en IMDb (en inglés).