Phoca

O xénero Phoca foi elixido en 1758 por Carolus Linnaeus, na 10ª edición do seu Systema Naturae para situar nel a varios mamíferos mariños coñecidos na súa época e que non clasificara canda os cetáceos.

Ao longo dos tempos este taxon non tivo sempre o mesmo número de especies.

Por exemplo, Linnaeus asignara á morsa o taxon Phoca rosmarus, e agora esta especie está clasificada non só noutro xénero, senón tamén noutra familia: Odobenus rosmarus, da familia dos odobénidos.

Hoxe en día, o xénero Phoca inclúe só dous xéneros:^[1]

• Xénero Phoca
  • Phoca largha Pallas, 1811
  • Phoca vitulina Linnaeus, 1758

Porén, algunhas clasificacións que non aceptan os xéneros Histriophoca, Pagophilus e Pusa consideran:^[1][2]

• Phoca capsica Gmelin, 1788, que corresponde a Pusa caspica Gmelin, 1788
• Phoca crystata Erxleben, 1777, que corresponde a Histriophoca fasciata Erxleben, 1777
• Phoca groenlandica Erxleben, 1777, que corresponde a Pagophilus groenlandicus Erxleben, 1777
• Phoca hispida Schreber, 1775, que corresponde a Pusa hispida Schreber, 1775, e
• Phoca sibirica Gmelin, 1788, que corresponde a Pusa sibirica Gmelin, 1788.

• Wilson, D. E. & Reeder, D. M. (eds.) (2005): Mammal Species of the World. A Taxonomic and Geographic Reference. Third edition. ISBN 0-8018-8221-4.

• Pinnípedes
• Fócidos

• Phoca en ADW.