Os fillos da terra
Os fillos da terra (na versión orixinal Earth's Children) é o nome dunha hexaloxía, escrita pola escritora estadounidense Jean M. Auel e cuxo primeiro libro foi traducido ó galego por Xurxo Bértola.[1] Os feitos da historia acontecen en Europa, no Paleolítico, a mediados da Glaciación de Würm. A protagonista da serie é unha muller de Cro-Magnon chamada Ayla. A serie vendeu máis de 45 millóns de exemplares en todo o mundo.
Segundo declara Auel, ela estaba interesada en escribir un libro narrativo ambientado na prehistoria. Estaba interesada especialmente nunha época do plistoceno na que conviviron dúas especies humanas: os Homo sapiens e os Homo neanderthalensis. Aínda que ambos grupos habitaban ó longo todo o continente, durante a narración déixase entrever en varias ocasións que os Cro-Magnon estaban a desprazar pouco a pouco ós Neanderthal, que se dirixen lentamente cara á extinción.
Exemplares
- O clan do oso das cavernas, 1980
- O val dos cabalos, 1982
- Os cazadores de mamuts, 1985
- As chairas do tránsito, 1990
- Abeiros de pedra, 2002
- A terra das covas pintadas, 2011
A autora afirmou nunha entrevista concedida en Londres en 2011[2] que a saga remata con este sexto exemplar, aínda que non descarta seguir escribindo outras novelas ambientadas na mesma época, á marxe da serie.[3]
Adaptación cinematográfica
Desta saga fíxose en 1985 unha adaptación do primeiro dos seis libros, titulada The Clan of the Cave Bear, protagonizada por Daryl Hannah. O filme foi un fracaso comercial polo que se cancelou a produción dun segundo filme.
A autora das novelas, afirmou en varias entrevistas que no quedou contenta coa adaptación e que, polo momento, non tiña ningún interese en que a historia sexa levada de novo ó cine.[3]