O vento levántase

O vento levántase^[6] (風立ちぬ, Kaze Tachinu^?) é un filme animado xaponés de drama histórico escrito e dirixido por Hayao Miyazaki e animado por Studio Ghibli. Foi lanzado por Toho o 20 de xullo de 2013 no Xapón, e por Touchstone Pictures en Norte América o 21 de febreiro de 2014.^[7][8] Kaze Tachinu é unha biografía ficcionada de Jiro Horikoshi (1903–1982), o deseñador do caza Mitsubishi A5M e do seu sucesor, o Mitsubishi A6M Zero, empregados polo Imperio do Xapón durante a segunda guerra mundial. O filme está adaptado do manga homónimo de Miyazaki, que á súa vez está vagamente inspirada na historia curta de 1937 The Wind Has Risen de Tatsuo Hori.^[9] Foi o derradeiro filme dirixido por Miyazaki antes do seu retiro en setembro de 2013.^[10] Kaze Tachinu foi o filme xaponés de maior recadación do ano 2013 e recibiu loanzas da crítica. Gañou e foi nomeado a numerosos premios, incluíndo nomeamentos ó Óscar ó mellor filme de animación, ó Globo de Ouro á mellor película en lingua non inglesa e ó Nippon-shō ó mellor filme de animación.

O vento levántase
Logo título do filme.
Ficha técnica
Título orixinal	Kaze Tachinu
Director	Hayao Miyazaki
Produtor	Toshio Suzuki
Guión	Hayao Miyazaki
Baseado en	Kaze Tachinu de Hayao Miyazaki
Intérpretes	Hideaki Anno Miori Takimoto Hidetoshi Nishijima Masahiko Nishimura Steve Alpert Morio Kazama Keiko Takeshita Mirai Shida Jun Kunimura Shinobu Otake Nomura Mansai
Música	Joe Hisaishi
Fotografía	Atsushi Okui
Montaxe	Takeshi Seyama
Estudio	Studio Ghibli
Distribuidora	Toho
Estrea	20 de xullo de 2013
Duración	126 minutos[1]
Orixe	Xapón
Xénero	Drama
Orzamento	$30 000 000[2]
Recadación	$136 500 000[3][4][5]
Na rede
http://kazetachinu.jp e https://www.ghibli.jp/kazetachinu/