Niclosamida
A niclosamida é un fármaco antihelmíntico (afecta aos vermes) especialmente efectivo contra os vermes cestodos que infectan aos humanos, como as tenias. Tamén se usa como piscicida (mata peixes)[3] e ultimamente como moluscocida para o tratamento de augas en programas de control da esquistosomíase[4]. Aínda que pertence á familia dos antihelmínticos o seu uso específico é para tratar as infestacións por cestodos como as tenias, xa que non é efectivo contra outro tipo de vermes como os nematodos. Preséntase como unha tableta mastigable que se toma por vía oral, e a dose depende dotipo de verme e a idade e peso do paciente.
![](http://upload.wikimedia.org/wikipedia/commons/thumb/6/62/Niclosamide.svg/220px-Niclosamide.svg.png)
Nome IUPAC: 5-cloro-N-(2-cloro-4-nitrofenil)-2-hidroxibenzamida.[1]
Outros nomes: Niclocide, Phenasal, Tredemine, Fenasal, Yomesan[2]
Número CAS: 50-65-7.
Mecanismo de acción
A niclosamida desacopla a fosforilación oxidativa no verme.[5]
Efectos secundarios
Este fármaco pode ter efectos secundarios como dor abdominal, anorexia, diarrea, e vómitos. Raramente, mareos, erupcións na pel, somnolencia, proído perianal, e sabor desagradable.
Eficacia potencial contra o cancro de colon
A niclosamida mostrou capacidade de inhibir a extensión do cancro de colon en estudos con animais. A droga funciona bloqueando a expresión do xene S100A4/metastasina, que pode promover a metástase do cancro de colon, e afecta a diversas vías de sinalización celular.[4][6]
Notas
- Taber, Clarence Wilbur; Venes, Donald; Thomas, Clayton L. (2001). Taber's cyclopedic medical dictionary. Philadelphia: F.A.Davis Co.
- Additional Medication Information:Medline
- http://www.drugs.com/cons/Niclosamide.html