Mundo de fantasía

Un mundo de fantasía é un universo ficticio empregado nas novelas e xogos de fantasía. Os mundos típicos conteñen maxia ou elementos máxicos^[1], e a miúdo, temas medievais ou futuristas. Algúns mundos poden ser un universo paralelo conectado coa Terra mediante portais máxicos; unha Terra ficticia situada nun pasado ou futuro remoto; ou un mundo completamente independente localizado noutro universo^[2].

Moitos mundos de fantasía están amplamente baseados na historia do mundo real, na súa xeografía e socioloxía, así como na mitoloxía e o folclore.