Moses (canción)

Moses» (en galego, Moisés) é o único sinxelo do álbum Live 2003, primeiro álbum en directo editado pola banda inglesa de rock alternativo Coldplay. Interpretouse no Hordern Pavilion de Sidney o 21 e 22 de xullo de 2003.

A canción escribiuna a actriz Gwyneth Paltrow, dona do cantante Chris Martin. É unha canción romántica que fala de namorarse da muller máis fermosa do mundo e do impacto que provoca na vida dun mesmo. O título da canción utilizouno despois a parella para darlle nome ao seu segundo fillo, Moses Bruce Anthony Martin, nado en 2006.^[1]

Entrou na lista de cancións alternativas dos Estados Unidos chegando á posición 24.^[2]