Mixófagos
Mixófagos Rango fósil: Carniense-Recente | |||||||||||
---|---|---|---|---|---|---|---|---|---|---|---|
![]() Delevea kurosawai (Torridincolidae) | |||||||||||
Clasificación científica | |||||||||||
| |||||||||||
Familias | |||||||||||
Hydroscaphidae |
A dos mixófagos (Myxophaga) é a segunda suborde máis pequena dos insectos coleópteros (escaravellos) despois de Archostemata, e consta dunha 65 especies de pequenos ou diminutos escaravellos, clasificados en catro familias. Os membros desta suborde son acuáticos ou semiacuáticos e aliméntanse de algas.
Descrición
As características diagnósticas de Myxophaga son: as antenas son máis ou menos claramente de tipo maza e normalmente con menos de nove segmentos, as cavidades mesocoxais están abertas lateralmente e beireadas por un mesepímero e metanepisterno, as ás traseiras están enroladas apicalmente na posición de repouso. Internamente caracterízanse pola presenza de seis túbulos de Malpighio e os testículos son tubulares e enrolados.[1]
Os escaravellos desta suborde están adaptados a alimentarse de algas. As súas pezas bucais carecen de galeas e teñen un dente móbil na súa mandíbula esquerda.[2]
Taxonomía
Na suborde Myxophaga hai catro familias con representantes vivos divididas en dúas superfamilias,[3] que conteñen unhas 65 especies descritas,[4] e polo menos unha familia extinguida (simbolizado por †).
Superfamilia Lepiceroidea Hinton, 1936
- Familia Lepiceridae Hinton, 1936
- Lepicerus Hinton, 1936
- †Lepiceratus Jałoszyński et al. 2020
Superfamilia Sphaeriusoidea Erichson, 1845
- Familia Hydroscaphidae LeConte, 1874
- Hydroscapha LeConte, 1874
- Scaphydra Reichardt, 1973
- Yara Reichardt & Hinton, 1976
- Confossa Short, Joly, García & Maddison, 2015
- Familia Sphaeriusidae Erichson, 1845
- Sphaerius Waltl, 1838
- †Burmasporum Kirejtshuk 2009
- Familia Torridincolidae Steffan, 1964
- Claudiella Reichardt & Vanin, 1976
- Delevea Reichardt, 1976
- Iapir Py-Daniel, da Fonseca & Barbosa, 1993
- Incoltorrida Steffan, 1973
- Satonius Endrödy-Younga, 1997
- Torridincola Steffan, 1964
- Ytu Reichardt, 1973
Familia †Triamyxidae Qvarnström et al. 2021
- †Triamyxa Qvarnström et al. 2021
Non situadas en familias
- †Leehermania Chatzimanolis et al. 2012
Distribución
Os membros vivos de Lepiceridae están confinados no norte de Suramérica e América Central. Os Sphaeriusidae viven en todos os continentes excepto a Antártida, mentres que os Hydroscaphidae viven en todos os continentes menos Australia e Antártida. Os Torridincolidae poden atoparse en África, Asia e Suramérica.[5]
Rexistro fósil
Sábese pouco do rexistro fósil dos Myxophaga. Os fósiles do inicio do Cretáceo tardío (Cenomaniano) atopados en ámbar birmano de Myanmar, foron asignados ao xénero hoxe existente Lepicerus e ao xénero extinguido Lepiceratus dentro de Lepiceridae,[6][7][8] así como Burmasporum, que pertencen a Sphaerusidae.[9] Non se describiron fósiles de impresión de escaravellos mixófagos ata 2012, probablemente debido ao seu pequeno tamaño corporal e hábitat especializado.[10] Un espécime fósil asignado ao xénero vivo Hydroscapha de Hydroscaphidae, foi descrito en 2012 procedente da formación Yixian na biota Jehol, e data do Cretáceo temperá (Aptiano).[10] En 2019, Leehermania do Triásico tardío (Noriano) da formación Cow Branch de Carolina do Norte, que fora interpretada previamente como o estafilínido máis antigo coñecido, foi reinterpretada como un parente que diverxiu temperanmente da familia Hydroscaphidae, o que a converte no mixófago máis antigo coñecido.[11] En 2021, describíronse numerosos espécimes dun novo mixófago procedentes dun coprólito atopado en sedimentos polacos do Triásico tardío (Carniano). O novo taxón Triamyxa, foi situado na súa propia familia monotípica, Triamyxidae, e resolveuse como o mixófago máis basal ou un taxon irmán de Hydroscaphidae.[12]
Galería
- Espécime de Sphaerius minutus (Sphaeriusidae) en varias vistas
- Espécimes de Hydroscapha natans (Hydroscaphidae)
- Espécime de Lepicerus inaequalis (Lepiceridae)
Notas
Véxase tamén
Ligazóns externas
- "Myxophaga". Atlas of Living Australia.