Minnie Spotted-Wolf
Minnie Spotted-Wolf, nada Heart Butte (Montana) en 1923 e finada en 1988, foi unha militar e mestra estadounidense, a primeira muller nativa americana en alistarse no Corpo de Marines dos Estados Unidos, ingresando na reserva feminina en xullo de 1943.[1]
 | |
| Biografía | |
|---|---|
| Nacemento | 1923 Heart Butte, Montana |
| Morte | 1988 (64–65 anos) |
| Datos persoais | |
| País de nacionalidade | Pobo pés negros |
| Actividade | |
| Ocupación | Militar e mestra |
| Carreira militar | |
| Lealdade | Estados Unidos de América  |
| Rama militar | Corpo de Marines dos Estados Unidos |
| Rango militar | Soldado raso |
| Conflito | Segunda guerra mundial |
| Deporte | deporte ecuestre |
Traxectoria
Spotted-Wolf, era membro do pobo pés negros. Antes de unirse ós marines, traballou no rancho co seu pai en tarefas como cortar madeira de valados, conducir camións e adestrar cabalos.[2] Coñecida pola súa habilidade en domar bestas, describiu o campamento de marines como "duro pero non tanto".[3]
Serviu nas bases militares de California e Hawai, operadora de cargamento pesado, e como condutora para os oficiais xenerais.[2]
A cobertura da prensa do seu servizo en tempos de guerra incluíu titulares como Minnie, Pride of the Marines, Is Bronc-Busting Indian Queen.[4] Segundo a súa filla, "ela podía superar ós rapaces a comezos de 1950."[4]
Despois do seu servizo militar, obtivo unha licenciatura en Educación Primaria, e pasou 29 anos como mestra.[2]
Notas
Véxase tamén
Bibliografía
- "DoDLive Presents: Profiles in Heritage. National Native American Heritage Month: Minnie Spotted Wolf". United States Department of Defense (vídeo). 30 de novembro de 2011.
- Rae, Callum (29 de decembro de 2015). "Minnie Spotted Wolf". The Female Soldier.
- Holm, Tom (2007). Code Talkers and Warriors: Native Americans and World War II. Nova York: Chelsea House. pp. 34–35. ISBN 978-0-79-109340-5. OCLC 77270989.