Ministerios de España

Un ministerio é un departamento de xestión do goberno dun estado. Está a cargo dun ministro que se ocupa dun ámbito político de actuación baixo a coordinación do presidente do goberno ou primeiro ministro. Nalgúns países como os Estados Unidos de América ou México, os ministros son coñecidos como secretarios ou secretarios de Estado.

En España, como noutros países, por cada nova lexislatura os ministerios adoitan cambiar de funcións e de nome. Estes cambios son máis notables se se produce un cambio de partido político, xa que hai ministerios que separan as súas funcións en dous ou máis ministerios novos, e varios ministerios agrúpanse nun só.