Luís Iglesia

Comezou na televisión co-presentando en 1987 o programa infantil da TVG, Rapaces, e en 1997 Cousa, Cousiña.^[2] Traballou no teatro con varias compañías, especialmente con Teatro do Aquí en obras como Rastros^[3], en curtametraxes como Contar, de Teo Manuel Abad, e no mundo da dobraxe, como actor e director, converténdose na voz habitual de Harrison Ford, Robert De Niro, Mel Gibson, Paul Newman, Chuck Norris ou Garfield, entre outros.^[4] En 1999 apareceu nun episodio da coñecida serie Mareas Vivas.

En 2001 comezou a interpretar a Antón en Terra de Miranda, papel que realizou durante as primeiras tres temporadas da serie. Durante eses anos apareceu como secundario en varios filmes como Entre bateas (2002), O agasallo de Silvia (2003), A promesa (2004), Heroína (2005) ou Pataghorobí (2005), en series como Pepe Carvalho (2003), As leis de Celavella (2004), Libro de familia (2005) ou Hospital Central (2008) e en curtametraxes como Palíndromo (2008).

Dende 2009 e ata 2013 interpretou o narcotraficante Carmelo Matalobos, na serie da Televisión de Galicia, Matalobos,^[5] sendo este o seu primeiro papel como protagonista. A serie foi un éxito de audiencia e converteuse nun fenómenos social en Galicia, loada por crítica e público,^[6] e o papel de Luis Iglesia como o xefe do clan valeulle catro nomeamentos consecutivos como candidato ao Premio Mestre Mateo ao mellor actor.

Paralelamente a Matalobos participou en varias series e miniseries fóra de Galicia: No soy como tú (2010), producida por Antena 3, e Piratas (2011), Ángel o demonio (2011) e La fuga (2012), de Telecinco. Tamén no 2012 actuou no filme galego Vilamor, dirixido por Ignacio Vilar e no que interpretou a personaxe de Breixo de adulto. En 2013 participou no filme Somos xente honrada de Alejandro Marzoa e na miniserie histórica galego-catalá Salgadura.^[7] Así mesmo, protagonizou a obra de teatro Gaivotas subterráneas, coa que gañou o Premio Fetega ao mellor actor de teatro^[8] e deu voz ó Dicionario de pronuncia da lingua galega do Instituto da Lingua Galega.^[9]

En 2014, meteuse no papel de Emilio en Libro de familia, personaxe que interpretou ata o final da serie en 2018.^[10] Tamén no 2014 interpretou o organista da Catedral de Santiago na miniseria Códice^[11] e puxo voz a Hachibaldo no filme animado de Ernesto Padrón, Maimiño e o espello máxico.^[12] En 2015 apareceu no filme A praia dos afogados, de Gerardo Herrero e ao ano seguinte tivo un pequeno papel en Julieta, de Pedro Almodóvar,^[13] así como na curtametraxe Vida, de Manuel Garrido e Rubén Riós.

En 2017 apareceu en varios episodios da serie de TVE El ministerio del tiempo, e en 2018 en Vivir sin permiso, serie de Telecinco inspirada nun relato de Manuel Rivas. Tamén ese ano traballou en Las Brujas de E'lente, de Simón Vázquez, o primeiro filme de cine fantástico rodado na provincia de Ourense.^[14] En 2019 actuou como Augusto Mendoza en Lobos e cordeiros, fixo de narrador para a Real Filharmonía de Galicia, recitando a Oscar Wilde,^[15] e dende setembro interpretou o excomisario Emilio Fortes nos primeiros episodios da serie A estiba, da TVG.

• Entre bateas (2002). Como Xocas.
• Autopsia (2002). Como o Rubio.
• Cota vermella (2003). Como primeiro oficial.
• O agasallo de Silvia (2003). Como doutor.
• A rosa de Alexandría (2003) Como Ginés.
• A promesa (2004). Como doutor.
• Heroína (2005). Como Juanjo.
• Pataghorobí (2005). Como home do bar.
• Secuestrados (2010). Como Javier.
• Vilamor (2012). Como Breixo
• Somos xente honrada (2013). Como Sandro.
• A praia dos afogados (2015). Como forense Guzmán Barrio.
• Julieta (2016). Como forense.
• Las Brujas de E'lente (2018). Como Adolfo.

• Mareas Vivas (1999). 1 episodio (Tempada 2. Episodio 10. ¿Por que soan as campás?). TVG.
• Un mundo de historias (2000).
• Terra de Miranda (2001-2003). Como Antón. TVG.
• Pepe Carvalho (2003). Como Ginés.
• As leis de Celavella (2004). Como Marcial Iglesias. TVG.
• Libro de familia (2005). Como Sotomayor. TVG.
• Hospital Central (2008). Como Lorenzo. 1 episodio (Tempada 16. Episodio 14. La puerta está abierta).
• Matalobos (2009-2013). Como Carmelo Matalobos. TVG.
• No soy como tú (2010). Como Jiménez.
• Piratas (2011). Como Gaspar Falcón.
• Ángel o demonio (2011). Como Coronel Medina. 2 episodios.
• La fuga (2012). Como Enrique Graus.
• Salgadura (2013). Como Pousa.
• Pazo de familia (2014-2018). Como Emilio. TVG.
• Códice (2014). Como Joaquín Veiga. TVG.
• El ministerio del tiempo (2017). Como Bosco de Sobrecasa. La 1.
• Vivir sin permiso (2018). Telecinco.
• Lobos e cordeiros (2019). Como Augusto Mendoza.
• A estiba (2019). Como Emilio Fortes. TVG.
• Serramoura. TVG.

• Contar (1994).
• Xinetes na tormenta (2001). Como Bou.
• Ruleta (2002). Como Beltrán.
• Nai que non fuches (2003). Como home.
• A teoría do espello (2004). Como Lucio.
• Premio (2006). Como profesor.
• O máis rico do cemiterio (2007). Como Gustavo.
• Palíndromo (2008). Como profesor.
• Dies dei (2008). Como médico.
• Maldita mañana (2008). Como Deus.
• Crónica das soidades urbanas (2008). Como home.
• Mr. Smith & Mrs. Wesson (2012). Como Y. Kalashnikov.
• Pecados (2012). Como detective.
• Flores para Amalia (2013).
• Lurna (2015). Como Ruso.
• Vida (2016).

• Garfield e mailos seus amigos
• A lexión dos superheroes
• O detective Conan
• One Piece
• Shin Chan
• Walker, ranger de Texas

• Currículo
• O soportal do audiovisual galego
• Galegos.info
• Palestra de Luís Iglesia sobre dobraxe en YouTube.
• Conversa con Luís Iglesia en YouTube.