Leviathan (filme de 2014)

Leviathan (ruso: Левиафан, Leviafan) é un filme dramático ruso dirixido por Andrey Zvyagintsev, co-escrito por Zvyagintsev e Oleg Negin, que se estreou no 2014. Está protagonizado por Aleksei Serebryakov, Elena Lyadova e Vladimir Vdovichenkov. Segundo Zvyagintsev, inspirouno a historia de Marvin Heemeyer nos Estados Unidos e fixo unha adaptación ó contexto ruso.^[4] O desenvolvemento do personaxe protagonista ten paralelismos coa figura bíbliba de Xob.^[5] O produtor Alexander Rodnyansky declarou: "Lida con algúns dos máis importantes temas sociais da Rusia contemporánea mais nunca se converte nun sermón do artista ou nunha protesta pública; é a historia do amor e a traxedia experimentada por xente corrente".^[6] A crítica considerou o filme como formidable^[7][8] polo tratamento de temas como o destino, o poder e o diñeiro.^[7]

Leviathan
Ficha técnica
Título orixinal	Leviathan
Director	Andrey Zvyagintsev
Produtor	Alexander Rodnyansky
Guión	Andrey Zvyagintsev Oleg Negin
Intérpretes	Aleksei Serebryakov Elena Lyadova Vladimir Vdovichenkov Roman Madyanov
Fotografía	Mikhail Krichman
Estudio	Non-Stop Production[1] Ministerio de Cultura de Rusia Cinema Fund[1] RuArts Foundation[1]
Distribuidora	Fox[2]
Estrea	Cannes: 23 de maio de 2014 5 de febreiro de 2015
Duración	141 minutos[3]
Orixe	Rusia
Xénero	Drama
Orzamento	RUB 220m
Recadación	$3 400 000[2]
Na rede
http://www.sonyclassics.com/leviathan/

O filme foi seleccionado para competir pola Palma de Ouro no Festival de Cannes de 2014.^[9] Zvyagintsev e Negin gañaron o premio ó mellor guión.^[10] Foi escollido como mellor filme do ano no Festival de Cinema de Londres de 2014 e no 45º Festival Internacional de Cinema da India. Gañou o Globo de Ouro ó mellor filme en lingua non inglesa.^[11] Tamén foi nomeado ós Premios Oscar na categoría de mellor filme en lingua non inglesa na 87ª edición dos Oscar.