Ledicia Costas

Empezou moi nova no mundo da literatura, escribindo as súas primeiras novelas en plena adolescencia. Licenciada en Dereito Económico pola Universidade de Vigo^[1], desde hai varios anos dedícase en exclusiva á creación literaria.^[2] É unha das coordinadoras da revista dixital Criaturas, dedicada á Literatura Infantil e Xuvenil de Galicia.^{[3] [4]}En 2020 foi Premio da Cultura Galega e en 2023 Medalla Castelao.

En 2022 traduciu ao galego "SloMo", a canción de Chanel que representou a España no Festival de Eurovisión 2022, cunha gran repercusión nas redes sociais.^[5]

É unha das escritoras máis traducidas e recoñecidas de literatura infantil e xuvenil da literatura galega, e os seus libros son constantemente reeditados e foron traducidos a varios idiomas.^[6]

Foi a primeira persoa en gañar tres veces o Premio Lazarillo (2015, 2017, 2021). No último (A lebre mecánica) os membros do xurado emitiron o fallo por unanimidade sinalando que se trata dunha "obra cun bo nivel de linguaxe para adolescentes" que abrangue temas como a diversidade de xénero e o xogo, e que combina o relato "de forma equilibrada e os diálogos con “reflexións contrastadas acordes coas vivencias da idade”.^[7]

Canto ao Premio Nacional de Literatura Infantil e Xuvenil (Escarlatina, a cociñeira defunta), o Xurado decidiu premiar a obra por ser “unha obra extraordinaria, humorística e rompedora no contexto da literatura infantil e xuvenil actual que tamén destaca pola súa fácil lectura, o seu humor estarrecedor, e a súa habilidade para desmitificar o mundo da morte".^[8] O libro foi traducido a unha morea de idiomas e leva vendidas ducias de miles de exemplares.

É tamén a creadora das coleccións A señorita Bubble (Ilustrada por Andrés Meixide), Os Minimortos (ilustrada por Mar Villar) e Curriño (comezada en 2024 e ilustrada por Mili Koey).

No libro de relatos Un animal chamado néboa (2015) a capacidade de resistencia á dor física ou psicolóxica non se pode medir, nin o grao de maldade que pode chegar a concibir o ser humano porque é en situacións límite cando as persoas sacan a relucir comportamentos insólitos, para ben e para mal.^[9]

En Infamia (2019) Emma Cruz é unha avogada e profesora de Dereito Penal que volve a Merlo para impartir clases na Universidade. Hai 25 anos que desapareceron dúas nenas, as irmás Giraud. Están mortas? Quen as asasinou? A novela é un thriller psicolóxico onde nada é o que parece, unha historia de amor, odio e loucura.^[10] Foi traducida ao castelán, catalán, inglés, coreano, búlgaro, romanés, italiano, portugués e persa.^[11]

En Golpes de luz (2021) Xulia é unha xornalista que se acaba de separar e volve a Galicia co seu fillo Sebas (de dez anos, o que pensa que a avoa Luz é o deus Thor porque sempre anda co seu martelo) e ten que se enfrontar a un pasado cheo de segredos. O narcotráfico na Galicia dos anos noventa, o mundo dos coidados e a procura da verdade envolven esta historia.^[12]

En Pel de cordeiro (2024) cóntanos dúas historias en dous tempos diferentes: a historia de Catalina nas últimas rabexadas da Inquisición e a de Lola no Vigo actual. Nas dúas está a súa historia de rebelión contra as convencións sociais pero en contextos diferentes. As dúas con inquedanzas no escuro, na morte, no máxico.^[13] Dúas partes moi diferentes e narradas de xeito distinto pero nas dúas está presente a bruxaría.

Con Ultraluz gañou o Premio de Poesía Afundación en 2022. Para a autora o libro é^[14]:

Ultraluz é un bosque. É un bosque con sombra e con luz. É un lugar fantástico, ateigado de criaturas da cultura popular, como o demogorgon, o kodama ou o oitavo pasaxeiro, e tamén de escuridade, de morte, unha constante na miña obra, un tema que me latexa dentro, que aquí abordo a cabalo coa fantasía, outro tema recorrente en min.

O xurado resaltou^[15]:

...que o poemario da escritora viguesa, segundo recolle a acta, «é un exercicio de claridade e autenticidade poética cunha clara vontade de achegar os mundos fantásticos ao noso bosque logrando unha interacción entre as referencias ao anime e á ciencia ficción. Hai unha interpelación ao lector como axente activo convidándoo a entrar nese mundo de frescor infantil que mestura o abraio e o sombrizo.

• Ultraluz (2022). Arte de Trobar. Centro PEN Galicia. 66 páxs. ISBN 978-84-09-45310-8.
  • (2023). Vigo: Xerais. 72 páxs. ISBN 978-84-1110-431-9. Inclúe imaxes do espectáculo de palabra, música e luz arredor dos poemas no que Ledicia Costas foi acompañada dos músicos Amaro Ferreiro e Sergio M. Puga.

• Unha estrela no vento (2000). Xerais. 224 páxs. ISBN 978-84-8302-481-2. ePub: 978-84-9914-867-0.^[16]
• O corazón de Xúpiter (2012). Xerais. 224 páxs. ISBN 978-84-9914-433-7. ePub: 978-84-9914-586-0.^[17]
  • Traducida ao inglés como Heart of Jupiter (2016), Small Stations Press^[18]. 208 páxs. ISBN 978-9543840496.
  • En castelán El corazón de Júpiter (2018), Ed. Anaya^[19]. 206 páxs. ISBN 9788469835999.
• Xardín de inverno (2012). Everest Galicia, poesía. 64 páxs. ISBN 978-8440311894.
• Recinto Gris (2014). Xerais. 160 páxs. ISBN 978-84-9914-608-9.^[20] ePub: ISBN 978-84-9914-548-8.
• Escarlatina, A cociñeira defunta (2014). Xerais. Ilustracións de Víctor Rivas. 176 páxs. ISBN 978-84-9914-739-0. ePub: ISBN 978-84-9914-742-0.^[21]
  • En castelán: Escarlatina, la cocinera cadáver (2015) Anaya.^[22] ISBN 978-84-698-0895-5. Tradución da autora.
  • En catalán: Escarlatina, la cuinera difunta (2016). Ed. Barcanova. ISBN 978-84-489-3868-0.
  • En portugués: Escarlatina a cozinheira-cadáver (2021). Kalandraka. ISBN 978-989-749-151-1 ^[23]
  • Traducida tamén ao coreano e publicada por Pink Whale.^[24] Tamén foi traducido ao persa.
• Inmundicia e Roñoso (2015). Tambre. Ilustracións de Laura Catalán. 39 páxs. ISBN 9788490460818.
• Esmeraldina, a pequena defunta (2016). Xerais. Ilustracións de Víctor Rivas. 224 páxs. ISBN 978-84-9914-999-8. ePub: 978-84-9914-988-2.^[25]
  • En castelán: Esmeraldina, la pequeña fantasma (2016). Anaya.^[26] ISBN 978-84-698-2500-6. Tradución da autora.
  • En catalán: Maragdina, la petita fantasma (2016). Barcanova. ISBN 9788448942878.
  • En portugués: Esmeraldina a pequena fantasma (2021). Kalandraka. ISBN 978-989-749-152-8 ^[27]
  • Tamén traducida ao coreano.^[28]
• As peripecias de Estravaganzza Pérez (2016). Xerais. Ilustracións de Óscar Villán. 200 páxs. ISBN 978-84-9121-312-3. ePub: ISBN 978-84-9121-317-8.^[29]
• Jules Verne e a vida secreta das mulleres planta (2016). Xerais. 248 páxs. ISBN 978-84-9121-070-2. ePub: 978-84-9121-065-8.^[30]
  • En castelán: Verne y la vida secreta de las mujeres planta (2016). Anaya. 224 páxs.^[31] ISBN 978-84-698-1681-3. Tradución da autora.
  • En catalán: Jules Verne i el secret de les dones planta (2016). Barcanova. 184 páxs. ISBN 978-8448941185.^[32]
  • En italiano: La vita segreta delle donne fiore (2018). Mondadori: contemporánea. 228 páxs. ISBN 978-8804689768.^[33]
• Os arquivos secretos de Escarlatina (2017). Xerais. Ilustracións de Víctor Rivas. 64 páxs. ISBN 978-84-9121-309-3.^[34]
• A balada dos unicornios (2018). Xerais.^[35] 192 páxs. ISBN 978-84-9121-405-2. ePub: ISBN 978-84-9121-441-0.
  • En castelán: La balada de los unicornios (2018). Anaya Infantil y Juvenil.^[36]
  • En romanés: Balada unicornilor (2019). Editura Polirom.^[37]
• Conexión Macarrón (2019). Xerais, Merlín. Ilustracións de Laura Suárez. 40 páxs. ISBN 978-84-9121-588-2.^[38] ePub: ISBN 978-84-9121-595-0.^[39]
• Vampira de biblioteca (2020). Xerais. Ilustracións de Víctor Rivas. 136 páxs. ISBN 978-84-9121-651-3.^[40][41]
• O neno de lume (2022). Xerais, Merlín. 168 páxs. ISBN 978-84-1110-084-7.^[42] ePub: ISBN 978-84-1110-078-6.^[43]
  • En castelán: El niño de fuego (2022). Anaya. 168 páxs. Ilustracións de Iván R. ISBN 9788414317433.
• A lebre mecánica (2022). Xerais, Fóra de Xogo. 186 páxs. ISBN 978-84-1110-149-3. ePub: ISBN 978-84-1110-184-4.
  • En castelán: La liebre mecánica (2022). Anaya Infantil y Juvenil. 112 páxs. ISBN 9788414333129.

• A señorita Bubble (2017). Xerais. Ilustracións de Andrés Meixide. 168 páxs. ISBN 978-84-9121-254-6.^[44] ePub: ISBN 978-84-9121-257-7.
  • En castelán: La señorita Bubble (2018). Anaya: Sopa de Libros. 168 páxs. ISBN 978-84-698-3682-8.^[45]

• A Señorita Bubble. Baixo cero (2020). Xerais, Sopa de libros. 128 páxs. ISBN 978-84-9121-763-3. ePub: ISBN 978-84-9121-769-5.
  • En castelán: La señorita Bubble: Aventura bajo cero (2020). Madrid: Anaya. Ilustraciones de Andrés Meixide. Traducción de María del Carmen Alonso Seisdedos.
• A Señorita Bubble. Deus salve as raíñas (2023). Xerais, Sopa de libros. Ilustracións de Andrés Meixide. 128 páxs. ISBN 9788411102599. ePub: ISBN 978-84-1110-269-8.
  • En castelán: La señorita Bubble: Dios salve a las reinas (2023). Madrid: Anaya. Ilustraciones de Andrés Meixide. Traducción de María del Carmen Alonso Seisdedos.

• Benvido ao Outro Barrio. Os Minimortos (2020). Xerais, Sopa de libros. Ilustracións de Mar Villar. 56 páxs. ISBN 978-84-9121-697-1. ePub: ISBN 978-84-9121-789-3.
  • En castelán: Los Minimuertos: Bienvenidos al otro barrio (2021). Alfaguara.^[46]
• Criando malvas. Os Minimortos (2021). Xerais, Sopa de libros. Ilustracións de Mar Villar. 56 páxs. ISBN 978-84-9121-727-5. ePub: ISBN 978-84-9121-786-2.
  • En castelán: Los Minimuertos: Criando malvas (2021). Alfaguara.^[47]
• Escola de salvaxes. Os Minimortos (2021). Xerais. Sopa de libros. Ilustracións de Mar Villar. 56 páxs. ISBN 978-84-9121-907-1. ePub: ISBN 978-84-9121-922-4.
  • En castelán: Los Minimuertos: Escuela de Salvajes (2021). Alfaguara. Ilustraciones de Mar Villar.
• O día dos vivos. Os Minimortos (2021). Xerais. Sopa de libros. Ilustracións de Mar Villar. 56 páxs, ISBN 978-84-9121-989-7. ePub: ISBN 978-84-9121-996-5.
  • En castelán: Los Minimuertos. Días de vivos (2021). Alfaguara.^[48]
• Ai, que risa! (2022). Xerais. Sopa de libros. Ilustracións de Mar Villar. 56 páxs, ISBN 978-84-1110-145-5. ePub: ISBN 978-84-1110-163-9.

• Curriño. Benvido ao equipo (2024). Xerais. Ilustracións de Mili Koey. 74 páxs.^[49] ISBN 978-84-1110-535-4. ePub: ISBN 978-84-1110-544-6.
  • Pimpollo 2. Benvenido a la pandilla (2024). Anaya Infantil y Juvenil. Ilustracións de Mili Koey.
• Curriño. O can influencer (2024). Xerais. Ilustracións de Mili Koey. 74 páxs. ISBN 978-84-1110-534-7.^[50] ePub: ISBN 978-84-1110-543-9.
  • Pimpollo 1: El perro influencer (2024). Anaya Infantil y Juvenil Ilustracións de Mili Koey.

• Sete dentes de león (2024). Ilustracións de David Sierra. Xerais. 40 páxs. ISBN 978-84-1110-406-7.^[51]
  • Siete dientes de León (2024). Ilustracións de David Sierra. Nórdica Libros. 44 páxs. ISBN 978-84-19735-81-2.

• Un animal chamado néboa (2015). Xerais. 200 páxs. ISBN 978-84-9914-873-1. ePub: 978-84-9914-866-3.^[52] Nova edición de Xerais en 2024.
  • Traducido ao inglés: An Animal Called Mist (2017). Small Stations Fiction. 204 páxs. ISBN 978-9543840625.^[53]
• Infamia (2019). Xerais. 272 páxs. ISBN 978-84-9121-536-3.^[54][55] ePub: ISBN 978-84-9121-537-0.^[2]
  • Traducido ao castelán: Infamia (2019). Destino. ISBN 978-84-233-5640-9.^[56]
• Golpes de luz (2021). Xerais. 288 páxs. ISBN 978-84-1110-036-6. ePub: ISBN 978-84-1110-042-7
  • Traducido ao castelán: Golpes de luz (2021). Destino. 288 páxs. ISBN 9788423360406.^[57]
• Pel de cordeiro (2024). Xerais. 344 páxs. ISBN 978-84-1110-540-8.^[58] ePub: ISBN 978-84-1110-541-5.^[59]
  • En castelán: Piel de cordero (2024). Destino. 344 páxs. ISBN 978-84-233-6511-1.

• Narradoras (2000). Xerais, narrativa.
• Isto é un poema e hai xente detrás (2007). Espiral Maior.
• Premios de Poesía, Relato Curto e Tradución da Universidade de Vigo (2007). Xerais.
• Letras novas (2008). Asociación de Escritores en Lingua Galega.
• Pel con pel (2010). Galaxia.
• Premios de Poesía, Relato Curto e Tradución da Universidade de Vigo (2010). Xerais.
• Urbano. Homenaxe a Urbano Lugrís (2011). A Nave das Ideas.
• Certame de narración breve Modesto R. Figueiredo Premios Pedrón de Ouro 2010 e 2011 (2012). Toxosoutos.
• O libro dos Reis Magos (2012). Editorial Galaxia e Xunta de Galicia.
• Versus cianuro. Poemas contra a mina de ouro de Corcoesto (2013). A. C. Caldeirón.
• Xabarín 18 (2013). EEI Monte da Guía/Concello de Vigo/Galaxia.
• 150 Cantares para Rosalía de Castro (2015). Libro electrónico.
• 6 poemas 6. Homenaxe a Federico García Lorca (2015). Biblos Clube de Lectores. Poesía.
• Caramomia (2023). Vigo: Xerais. Con María Lado, Daniel Landesa, O Hematocrítico. Ilustrador/a: Martín Romero.^[60]

Asinan as súas publicacións como Pereledi.

• Desaparizión (2011). Everest Galicia. Ilustrado por Andrés Meixide. ISBN 9788440311795.
  • Publicada tamén en catalán Desaparissió (2012). Cadí. 120 páxs. ISBN 978-84-474-4067-2.^[61]
• Mortos de Ningures (2011). Everest Galicia. Ilustrado por Andrés Meixide. ISBN 9788440311788.
• Letras de xeo (2012). Everest Galicia. Ilustrado por Andrés Meixide. ISBN 9788440312150.
• Ouro Negro (2013). Everest Galicia. Ilustrado por Andrés Meixide. ISBN 9788440312198.

• Gañadora do Premio de Poesía do Concello de Marín no 2005.
• Mención de Honra no Premio GZ Crea de poesía no 2006, por Aparición de triste.
• 1º Premio de poesía da Universidade de Vigo no 2007.
• 1º Premio de relato da Universidade de Vigo no 2010.
• Accésit no Premio Modesto R. Figueiredo do 2011, por Frío azul.
• Premio Ánxel Casal da Asociación Galega de Editores ao mellor libro infantil e xuvenil do 2012, por O corazón de Xúpiter.
• Accésit no Premio Miguel González Garcés do 2012, por Satén.
• Premio da AELG á mellor obra de literatura infanto-xuvenil do 2012, por O corazón de Xúpiter.
• Premio Martín Sarmiento para 1º e 2º de ESO no 2013, por Mortos de ningures, xunto a Pere Tobaruela.
• XXIX edición do Premio Merlín de Literatura Infantil de 2014 por Escarlatina. A cociñeira defunta.
• Premio Fervenzas Literarias ao mellor libro de literatura infantil de 2014, por Escarlatina. A cociñeira defunta.
• Premio Xosé Neira Vilas da Asociación Galega de Editores ao mellor libro infantil e xuvenil de 2014, por Escarlatina, A cociñeira defunta.
• Premio Nacional de Literatura infantil e xuvenil de España en 2015, por Escarlatina, a cociñeira defunta.
• Premio Lazarillo de Creación Literaria en 2015, por Jules Verne e a vida secreta das Mulleres Planta. Con esta obra: Premio Fervenzas 2016 ao Mellor Libro de Literatura Xuvenil -Premio Fervenzas 2016 Mellor Capa de LIX - Premio Gala do Libro Galego (Infantil/Xuvenil), 2017 - Premio The Withe Ravens (Internationale Jugend Bibliothek), 2017
• Premio Fervenzas Literarias á autora do ano 2015.
• Lista do IBBY dos mellores libros para xoves con discapacidade 2015, por Recinto gris
• Premio Antón Losada Diéguez de Creación literaria en 2016, por Un animal chamado néboa.
• Premio dos Clubs de Lectura de Galicia de 2016.
• Premio Lazarillo 2017 por A balada dos unicornios ex aequo con Rafael Salmerón por No te muevas musaraña.
• Premio Fervenzas Literarias ao mellor libro de literatura infantil de 2017, por A señorita Bubble.
• Premio Kelvin 505, pola versión en castelán de A balada dos unicornios, recoñecida como Mellor Novela Xuvenil Orixinal en Castelán. Festival de terror, fantasía e ciencia ficción Celsius 232 de Avilés. 2019.^[62]
• Premio de Cultura Galega das Letras 2020.^[63]
• Premio Merlín 2021 por O neno de lume.^[64]
• Premio Lazarillo 2021^[65] por A lebre mecánica.
• Premio de Poesía Afundación, por Ultraluz, en 2022.^[66]
• En 2023 recibiu a Medalla Castelao.^[67]

• Ficha da autora na AELG
• Páxina web da autora Arquivado 11 de febreiro de 2017 en Wayback Machine.
• Entrevistas nos medios Arquivado 06 de abril de 2019 en Wayback Machine.