Lagartera

Situado a 115 km da capital toledana, moi próximo ao límite da provincia de Cáceres e limítrofe coa provincia de Ávila, «á la falda N. de un cerrito o berrocal bastante pendiente, escabroso, muy extendido y desigual.»,^[1] limita ó norte co concello de Candeleda, ó sur con Torrico e Oropesa, ó leste con Oropesa, e ó oeste con Herreruela de Oropesa, La Calzada de Oropesa e Oropesa, e está bañado polo río Tiétar.

Segundo o Instituto Nacional de Estadística, no ano 2017 tiña 1 422 habitantes (1 595 no 2010 e 1 839 no 2000) o que supón un continuo descenso dende o ano 2008.^[2]

Gráfica de evolución demográfica de Lagartera entre 1996 e 2017

Fonte: INE.

A orixe estivo no barrio de "Toledillo" que se une co resto do casarío por unha ponte. Pertenceu ao condado de Oropesa ata que en 1620 se declarou vila, co que tivo administración propia.^[3]

• Ermida dos Santos Mártires.^[4]
• Igrexa parroquial de El Salvador, gótica do século XVI, con elementos barrocos dos s. XVII e XVIII, de tres naves con cruceiro, ábsida plana e coro.^[5]
• Museo Municipal Marcial Moreno Pascual, que alberga valiosas pezas bordadas e obras pictóricas do autor que dá nome ao espazo, nado en Lagartera en 1911 e finado en 1983.^[6]

• Corpus Christi, en xuño. Móntanse altares nas rúas e prazas para recibir á eucaristía coas mellores e máis antigas pezas de deshilados lagarteranos.
• El Salvador, festa patronal, a primeira fin de semana de agosto.
• El Rosario, o primeiro domingo de outubro.

A comercialización dos seus bordados artesanais empezou a comezos do século XX. A maior parte da economía da vila baséase nesa actividade.

O alcalde é, dende o ano 2011, o popular José Vicente Amor Jiménez.

Alcaldes desde as eleccións de 1979

Lexislatura	Nome	Partido
1979-1983	Rufino Santillana Otero	PSOE
1983-1987	Máximo Santillana Garía	PSOE
1987-1991	Benjamín Otero Corrochano	PSOE
1991-1995	Benjamín Otero Corrochano	PSOE
1995-1999	Benjamín Otero Corrochano	PSOE
1999-2003	Manuel García Lozano	PSOE
2003-2007	Lorenzo Lozano Bermejo	PSOE
2007-2011	Lorenzo Lozano Bermejo	PSOE
2011-2015	José Vicente Amor Jiménez	PP
2015-2019	José Vicente Amor Jiménez	PP
2019-2023	n/d	n/d
2023-	n/d	n/d

• "Lagartera". Diccionario enciclopédico galego universal 36. La Voz de Galicia. 2003-2004. p. 96. ISBN 84-7680-429-6. 
• "Lagartera". Enciclopedia Galega Universal 11. Ir Indo. 1999-2002. p. 54. ISBN 84-7680-288-9. 
• "Lagartera [España]". Enciclopedia Universal Micronet (DVD)|format= require |url= (Axuda) (en castelán). 2006. 
• Celdrán, Pancracio (2006). Diccionario de topónimos españoles y sus gentilicios (en castelán). Espasa. ISBN 84-670-0146-1. 
• García Sánchez, Julián (1998). Historia de Lagartera. ISBN 84-605-7293-5. 

• Páxina web do concello (en castelán).
• Deputación de Toledo (en castelán).