Kanada-malja
A Kanada-malja (en galego Copa Canadá), coñecido popularmente como "poika" (en galego fillo)[1] é un trofeo de hóckey sobre xeo outorgado cada ano en Finlandia ao campión dos play-offs da SM-liiga. O trofeo recibe o seu nome por ter sido doado pola comunidade finlandesa do Canadá en 1950.[2]
| ||
| Tipo | premio deportivo  | |
|---|---|---|
| Deporte | hóckey sobre xeo | |
| Localización e Datas | ||
| País | Finlandia | |
| Vixencia | 1950 – | |
Historia
O trofeo entregouse por primeira vez en 1951 ao Ilves de Tampere, e estaba formado por unha copa na súa parte superior sobre unha base de madeira. Ao final da tempada 1976-77 engadiuse a primeira capa de madeira adicional, mentres que a segunda foi engadida na tempada 2003-04.[2] Cada ano engádese unha placa de prata co nome do equipo gañador ao trofeo.[1]
En 1992 fíxose unha copia en prata da Kanada-malja e a orixinal foi entregada para exhibirse no Museo finlandés do hóckey sobre xeo, onde está exposta xunto con outros trofeos. Despois do último partido, o equipo campión dos play-offs é presentado co trofeo orixinal, mais pouco despois a copa volta ao museo e é substituída pola copia. O trofeo orixinal está feito de alpaca e a copia está feita completamente de prata.[3][4]
Na tempada 2019-20 a competición foi suspendida para frear a pandemia por coronavirus, o que deixou sen disputar a derradeira xornada da liga regular e todos os partidos dos play-offs, polo que a Kanada-malja non foi entregada a ningún equipo ese ano. O campionato de hóckey sobre xeo finlandés non se suspendía dende a tempada 1943-44, cando se cancelou a tempada por mor da guerra de continuación.[5][6]O gañador da liga regular recibe o Harry Lindbladin muistopalkinto (en galego Trofeo Memorial Harry Lindblad), que non está considerado tan prestixioso como a Kanada-malja.
Palmarés
- Artigo principal: Lista de campións de Finlandia de hóckey sobre xeo.
Casificación de equipos
| Equipo |  Campión |  Prata |  Bronce | Último campionato |
|---|---|---|---|---|
| Tappara | 17 | 13 | 7 | 2024 |
| Ilves | 16 | 9 | 12 | 1985 |
| TPS | 11 | 12 | 4 | 2010 |
| Kärpät | 8 | 4 | 6 | 2018 |
| HIFK | 7 | 5 | 11 | 2011 |
| Jokerit | 6 | 6 | 2 | 2002 |
| Ässät | 3 | 4 | 2 | 2013 |
| TBK | 1 | 0 | 5 | 1955 |
| HPK | 2 | 3 | 9 | 2019 |
| Lukko | 2 | 3 | 6 | 2021 |
| JYP | 2 | 2 | 5 | 2012 |
| KOOVEE | 1 | 3 | 3 | 1968 |
| Karhut | 1 | 0 | 0 | 1965 |
| RU-38 | 1 | 0 | 0 | 1967 |
| Tarmo | 0 | 3 | 2 | |
| HJK | 0 | 1 | 0 |
Notas
Véxase tamén
Outros artigos
- Trofeos da SM-liiga