Juanjo Serrano
Juan José Serrano Macías, coñecido como Juanjo, nado o 3 de outubro de 1981 en Calamonte (Badaxoz, Estremadura), é un futbolista profesional español que actualmente xoga de dianteiro no Mirandés da Segunda División B española.
| Juanjo | |||
|---|---|---|---|
| Información persoal | |||
| Nome | Juan José Serrano Macías | ||
| Nacemento | 3 de outubro de 1981 (42 anos) | ||
| Lugar de nacemento | Calamonte | ||
| Altura | 1,84 m | ||
| Posición | Dianteiro | ||
| Información de club | |||
| Club actual | Mirandés | ||
| Carreira xuvenil | |||
| Mérida | |||
| Carreira sénior | |||
| Anos | Equipos | Aprs | (Gls) |
| 2000–2001 | Mérida | 36 | (26) |
| 2001–2003 | Atlético Madrid B | 40 | (3) |
| 2003–2004 | Alcorcón | 30 | (5) |
| 2004–2005 | Díter Zafra | 34 | (6) |
| 2005–2006 | Jaén | 31 | (4) |
| 2006–2007 | Lanzarote | 36 | (14) |
| 2007–2008 | Mazarrón | 33 | (3) |
| 2008–2009 | Conquense | 29 | (2) |
| 2009–2010 | Villanovense | 36 | (21) |
| 2010–2011 | Guadalajara | 37 | (20) |
| 2011–2013 | Granada | 0 | (0) |
| 2011–2012 | → Cádiz (loan) | 29 | (9) |
| 2012–2013 | → Logronés (loan) | 13 | (0) |
| 2013 | Guadalajara | 16 | (4) |
| 2013–2014 | Lugo | 16 | (0) |
| 2014- | Mirandés | ||
| Partidos e goles só en liga doméstica. Selección: actualizado a 30 de xuño de 2014[ editar datos en Wikidata ] | |||
Traxectoria
Juanjo naceu en Calamonte, Badaxoz, en 1981. Despois do seu debut como sénior no segundo equipo do Mérida, pasou unha década enteira en distintos clubs da Segunda División B: primeiro no Atlético de Madrid B, para continuar no AD Alcorcón, CD Díter Zafra, Real Jaén, UD Lanzarote, Mazarrón CF, UB Conquense, CF Villanovense e CD Guadalajara. No ano 2011, tras dúas tempadas consecutivas anotando máis de 20 goles, asinaría co club da Primeira División Granada CF, aínda que nunca chegou a debutar en partido oficial, xa que foi cedido ao Cádiz CF e ao SD Logroñés. O 20 de xaneiro de 2013 rescinde o seu contrato co club e regresa ao Guadalajara,[1] cun contrato de medio ano.
Así, con 31 anos, faría o seu debut na Segunda División o 26 de xaneiro dese mesmo ano, sendo titular na derrota por 0–2 ante o Girona FC. O seu primeiro tanto no fútbol profesional chegaría co solitario gol dos alcarreños ante a UD Las Palmas o 30 de marzo, volvendo a anotar outro na seguinte xornada contribuíndo á vitoria local ante o Córdoba CF. Tras marcar outros dous tantos co Guadalajara, o descenso administrativo do club fai que Juanjo teña que buscar un novo equipo, asinando finalmente polo Club Deportivo Lugo.[2] Tras un ano no Lugo no que non goza de moitos minutos de xogo, asina polo CD Mirandés, equipo recentemente descendido á Segunda División B.