José Larrea Pérez
José Larrea Pérez, nado c. 1920 e finado o 3 de maio de 1973 en Villalpando (Zamora), foi un doutor e piloto de automobilismo galego.
Biografía | |
---|---|
Nacemento | 1920 |
Morte | 3 de maio de 1973 (52/53 anos) Villalpando, España |
Causa da morte | accidente de tráfico |
Datos persoais | |
País de nacionalidade | España |
Actividade | |
Ocupación | médico , piloto de automobilismo |
Lingua | Lingua castelá |
Deporte | automobilismo |
Traxectoria
Traballou como doutor e director no Sanatorio Riazor, que el mesmo fundou en 1946 na Coruña.[1][2]
Foi un dos principais impulsores do automobilismo na Coruña, participando na organización das primeiras carreiras deste tipo celebradas na cidade, inmediatamente despois de fundar en 1966 a Escudería Centollo.[3][4] Competiu tamén como piloto e foi director do Gran Premio da Coruña e das primeiras edicións do Rally da Coruña.[5] En 1972 abandonou a presidencia da escudaría para deixar paso a xente máis nova.[6]
Faleceu nun accidente de tráfico en Villalpando, na provincia de Zamora, o 3 de maio de 1973 aos 53 anos de idade, xunto a unha sobriña de 16 anos.[7]