Joan Cusack

Joan Cusack naceu en Nova York e creceu en Evanston. O seu pai, Dick Cusack, e os seus irmáns, Ann, Bill, John e Susie tamén son actores. A súa nai, Nancy de Cusack, é unha profesora de matemáticas xubilada e activista política. Casou con Richard Burke en 1993, con quen tivo dous fillos.

Cusack traballou durante varias temporadas en Saturday Night Live (1985-1986). En 1988 participou na comedia Working Girl (1988), onde compartiu cartel con Harrison Ford, Sigourney Weaver e Melanie Griffith, e pola que recibiu a súa primeira candidatura ao Oscar á mellor actriz secundaria.^[1] Entre os seus seguintes proxectos destacan Addams Family Values (1993) e as comedias Nine Months (1995), protagonizada por Hugh Grant e Julianne Moore, e Two Much (1995), dirixida por Fernando Trueba, con Antonio Banderas e Melanie Griffith.

Posteriormente obtivo unha segunda candidatura ao Oscar á mellor actriz secundaria,^[2] e outra aos premios Globo de Oro, na mesma categoría,^[3] pola comedia In & Out (1997), protagonizada por Kevin Kline e Matt Dillon. Despois presto a súa voz na cinta animada Toy Story 2 (1999) e actuou na comedia romántica Runaway Bride (1999), protagonizada por Julia Roberts e Richard Gere. Participou xunto co seu irmán John na comedia High Fidelity (2000), baseada na novela de Nick Hornby, e protagonizou xunto a Jeff Bridges e Tim Robbins o suspense Arlington Road (1999).

• Sac Ticket: Joan Cusack