Jaime Lorente

Jaime Lorente López é un actor graduado na Escola Superior de Arte Dramática (ESAD) de Murcia^[2] e ten un máster en estudos avanzados de teatro pola UNIR.^[3] Ademais de adicarse á interpretación, fai danza contemporánea.^[4]

Participou en obras de teatro como Equus, pola que gañou o Premio a Mellor Actor na primeira edición dos Premios María Jesús Sirvent. Participou tamén en numerosas obras de teatro como El público ou De fuera vendrá (2014).^[4]

Na televisión, a súa carreira interpretativa comezou da man de Antena 3, conseguindo por primeira vez un papel en El secreto de Puente Viejo, onde interpretaba a Elías Mato.^[5] En 2017 formou parte do elenco principal de La casa de papel onde deu vida a "Denver". Con este papel logrou a fama mundial, grazas á emisión da serie en diferentes países a través de Netflix, e interpretou tamén a "Nano" na segunda serie española orixinal desta plataforma: Elite, a cal se estreou en outubro de 2018. Ten pendente a produción da terceira parte de La casa de papel, que sairá en 2019.

Máis breve é a súa carreira no cine, realizando papeis en películas como Todos lo saben ou La sombra de la lei. En setembro de 2018, comezou a rodar a película de Jota Linares para Netflix ¿A quién te llevarías a una isla desierta?, na que dá vida a Marcos e comparte repartición por terceira vez con María Pedraza.

En 2020, Lorente protagonizou, para Amazon Prime Video, a serie de ambientación histórica El Cid, dando vida a Rodrigo Díaz de Vivar, alcumado "El Cid".^[6]

• En 2018, foi nomeado ao “Mellor actor secundario en televisión” por “La casa de papel”, pola Unión de Actores^[7]
• En 2019, foi nomeado ao “Mellor actor de reparto en televisión” por “La casa de papel”, pola Unión de Actores.^[3]
• Premio Mellor Actor por “Equus”, na primeira edición dos Premios María Jesús Sirvert.^[3]