Infrared Background Signature Survey
Infrared Background Signature Survey ou IBSS foi un satélite artificial da Forza Aérea dos Estados Unidos lanzado o 28 de abril de 1991 mediante o transbordador espacial Discovery durante a misión STS-39 desde Cabo Cañaveral.[4][5]
| IBSS / Infrared Background Signature Survey | |
|---|---|
 IBSS soltado desde o transbordador Discovery. | |
| Tipo | Tecnolóxico |
| Organización | SDIO |
| Data de lanzamento | 28 de abril de 1991[1][2][3] |
| Foguete portador | Transbordador Espacial Discovery[4] |
| Sitio de lanzamento | Cabo Cañaveral[5][6] |
| Obxectivo da misión | Demostrador tecnolóxico.[5] |
| Regreso | 2 de maio de 1991[1][6] |
| NSSDC ID | 1991-031B |
| Masa | 1901 kg[4][5] |
Características
IBSS viaxou ao espazo na bodega do transbordador, desde onde foi liberado para facer as súas observacións para logo ser recollido e devolto a terra. A súa misión principal foi realizar experimentos para o desenvolvemento de sensores de detección de mísiles balísticos.[4][5]
IBSS estaba patrozinado pola Organización da Iniciativa de Defensa Estratéxica ou SDIO. A carga a bordo do satélite estaba composta por un sensor infravermello, un sensor multiespectral para observar en varias lonxitudes de onda, dúas cámaras de televisión para baixas intensidades de luz e equipamento de soporte. Unha vez en voo libre, IBSS observou o comportamento dos motores do sistema de control de posición do transbordador para usalo como perfil para o desenvolvemento de sensores capaces de detectar o mesmo tipo de sinatura no espazo, indicativo doutros sistemas de control de posición como o dos mísiles balísticos durante manobras de corrección de traxectoria. Parte dos experimentos de IBSS tamén implicaban a solta de diferentes tipos de gases no baleiro para estudar o seu comportamento e caracterizalos para mellorar a detección de gases parecidos durante o voo de mísiles balísticos. Ao final da súa misión IBSS foi recollido polo transbordador e devolto a terra, o 2 de maio de 1991.[4][5]