Indómitos
Indómitos foi unha banda galega de noise rock fundada en Glasgow polos vigueses Daniel Nicolás (voz e baixo) e Paula Vilas (voz e batería), aos que se lles uniu Manu G. Sanz (guitarra). O grupo separaríase con só dous anos de historia tras publicar un único álbum. Os seus membros posteriormente iniciarían outros proxectos musicais como fantasmage e Selvática.
| Indómitos | |
|---|---|
| Orixe | Vigo,  Galicia |
| Período | 2008 - 2010 |
| Xénero(s) | noise rock, punk rock |
| Selo(s) discográfico(s) | El Beasto, Discos de Kirlian |
| Membros | Daniel Nicolás Manu G. Sanz Paula Vilas |
| Artistas relacionados | fantasmage, Selvática |
Historia
A banda formouse a principios do ano 2008 en Glasgow, onde traballaban Daniel Nicolás e Paula. Indómitos comezou a tocar en pubs da cidade e gravou un álbum.[1] Tras regresar a Galiza ese mesmo ano editaron o álbum Indómitos no mes de decembro a través do selo galego El Beasto.[2][3]
No ano 2010 colaboraron co tema "Crímenes del futuro" no álbum recompilatorio de bandas galegas Galician Bizarre.[4] Ese mesmo ano a banda separaríase.[2]
Tras a disolución de Indómitos Daniel Nicolás formou Fantasmage en Vigo, mentres Manu e Paula marcharon ao Brasil onde comezaron un novo proxecto chamado Selvática.[2]
No ano 2015 o selo Discos de Kirlian publicou Demos 2008-2010, dez cancións gravadas por Manu no seu estudio caseiro coa axuda de Paula.[1]
Discografía
Álbums
| Álbum | Ano | Selo | Notas |
|---|---|---|---|
| Indómitos | 2008 | El Beasto | álbum |
| Demos 2008-2010 | 2015 | Discos de Kirlian | demos |