Hucho
Hucho | |||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() Salmón do Danubio (Hucho hucho) | |||||||||||||||||||||||
Clasificación científica | |||||||||||||||||||||||
| |||||||||||||||||||||||
Especies | |||||||||||||||||||||||
| |||||||||||||||||||||||
Sinonimia | |||||||||||||||||||||||
|
Hucho é un xénero de peixes osteíctios da orde dos salmoniformes, familia dos salmónidos e subfamilia dos salmoninos.[1][2][3]
Unha das súas catro especies distribúese polo centro de Europa, no río Danubio e os afluentes da súa conca hidrográfica, mentres que as outras tres distribúense por Asia.[4]
Características
As especies deste xénero son peixes de gran tamaño, polo que reciben o nome vulgar aumentativo de salmón, cun tamaño de entre 2 e 1,5 m de lonxitude.[5]
Adoitan pasar unha fase da súa vida no mar, e outra fase nos ríos de clima temperado, aínda que algunhas das especies pasan toda a vida en ríos e lagos.[4]
Taxonomía
Descrición
O xénero foi descrito en 1866 polo zoólogo británico Albert Günther.[1][2][3]
Etimoloxía
O nome científico Hucho, Günter tomouno do alemán Huchen.[6]
Sinónimo
Ademais de polo nome actualmente válido, o xénero coñeceuse tamén polo sinónimo:[2]
- Epitomynis Schulze, 1890
Especies
Como quedou dito, o xénero comprende catro especies:[2][3]
Imaxe | Nome científico | Nome común | Distribución |
---|---|---|---|
Hucho bleekeri Sh. Kimura, 1934 | Salmón de Sichuan | Conca do río Yangtzé, na China | |
![]() | Hucho hucho (Linnaeus, 1758) | Salmón do Danubio | Endémico da conca do Danubio, en Europa |
Hucho ishikawae T. Mori, 1928 | Salmón coreano | Corea do Norte e a China | |
![]() | Hucho taimen (Pallas, 1773) | Salmón de Siberia | Siberia |
Notas taxonómicas
Ademais destas catro especies, o chamado salmón de Sakhalin situábase anteriormente neste xénero, pero a xenética e outras probas demostraron que pertence ao seu propio xénero monotípico como Parahucho perryi.[7][8]
Por outra parte, o WoRMS só admite unha especie no xénero, Hucho taimen.[1]
Usos
A pesca destes peixes é importante para a súa comercialización, sendo tamén cultivados en acuicultura.[4]
Notas
Véxase tamén
Bibliografía
- Benton, M. J. (2000): Vertebrate Palaeontology: Biology and Evolution. Blackwell Publishing. ISBN 0-632-05614-2. Resumo.
- Eschmeyer, W. N., ed. (2014): Catalog of fishes: Genera, Species, References. California Academy of Sciences, department Ichtyology.
- Nelson, J. S. (2006): Fishes of the World. 4th ed. Nova York: John Wiley and Sons, Inc. ISBN 0-471-25031-7.
- van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N. & Froese, R. (2001): "Pisces", en: Costello, M. J. et al., eds. (2001): European register of marine species: a check-list of the marine species in Europe and a bibliography of guides to their identification. Collection Patrimoines Naturels, 50: pp. 336–351.
Outros artigos
Ligazóns externas
- Hucho na EOL.
- Enrique Aguado Pérez (9 de outubro de 2009): El hucho o salmón del Danubio Historia de cómo llegó a España este emblemático pez