Fun and Fancy Free

Fun and Fancy Free é un filme de animación producido por Walt Disney e estreado o 27 de setembro de 1947 por RKO Radio Pictures. Foi o noveno dos filmes de animación de Disney e o cuarto dos filmes recompilatorios que o estudio produciu na década de 1940 para aforrar cartos durante a segunda guerra mundial. Estes filmes axudaron a financiar obras posteriores como Cinderella, Alice in Wonderland ou Peter Pan.

Fun and Fancy Free
Ficha técnica
Título orixinal	Fun and Fancy Free
Director	Jack Kinney (animación) Bill Roberts (animación) Hamilton Luske (animación) William Morgan (acción en vivo)
Produtor	Walt Disney
Guión	Homer Brightman Eldon Dedini Lance Nolley Tom Oreb Harry Reeves Ted Sears
Baseado en	"Little Bear Bongo" de Sinclair Lewis Xan o das fabas máxicas
Intérpretes	Cliff Edwards Edgar Bergen Luana Patten Walt Disney Clarence Nash Pinto Colvig Billy Gilbert Anita Gordon
Música	Oliver Wallace Paul Smith Eliot Daniel Charles Wolcott
Montaxe	Jack Bachom
Estudio	Walt Disney Productions
Distribuidora	RKO Radio Pictures
Estrea	27 de setembro de 1947
Duración	73 minutos
Orixe	Estados Unidos
Xénero	Infantil, Comedia
Recadación	$2 400 000 (USA)[1]
Na rede
http://movies.disney.com/fun-fancy-free

O filme contén dúas historias, a primeira das cales, Bongo, é presentada por Jiminy Cricket e narrada por Dinah Shore. Está baseada na historia curta "Little Bear Bongo" de Sinclair Lewis, Bongo e conta a historia dun oso de circo que soña cola liberdade. Bongo escapa do circo e namórase dunha osa salvaxe chamada Lulubelle, e descobre que debe probar o seu amor para conseguir o de Lulubelle. A segunda historia, Mickey and the Beanstalk, é presentada por Edgar Bergen e é unha adaptación da historia Xan o das fabas máxicas protagonizada por Mickey, Donald e Goofy que interpretan tres labregos que descobren o castelo do xigante Willie empregando unhas fabas máxicas. Deben combater co xigante para restaurar a paz no seu val. Mickey and the Beanstalk foi a derradeira vez que Walt Disney puxo voz a Mickey Mouse, xa que estaba demasiado ocupado noutros proxectos. Disney substituíuno polo artista de efectos de son James MacDonald.