Ferreiriño

Co nome de Ferreiriño desígnanse popularmente diferentes paxaros da orde Passeriformes, familia Paridae, aínda que tamén se aplica para denominar outros paseriformes doutras familias próximas. Outros nomes comúns a estes paxaros son os de ferreiro ou ferreirolo e, máis locais, ferreira (Dumbría), ferrete (Ares) e filosiña (Cangas) ^[1].

Pedreira López e Penas Patiño suxiren que o nome común lles vén do canto metálico destas aves, que lembra o golpear dun ferreiro sobre o incre ^[2].

• Ferreiriño abelleiro (Parus major).
• Ferreiriño bacachís ou ferreiriño azul (Cyanistes caeruleus, antes Parus caeruleus).
• Ferreiriño de bigote (Panurus biarmicus, da familia Panuridae pero antes clasificado como da familia Paridae).
• Ferreiriño de cara negra ou ferreiriño careto (Remiz pendulinus, da familia Remizidae).
• Ferreiriño cristado (Lophophanes cristatus, antes Parus cristatus).
• Ferreiriño montés (Poecile montana, antes Parus montanus).
• Ferreiriño negro ou ferreiriño común (Periparus ater, antes Parus ater).
• Ferreiriño palustre (Poecile palustris, antes Parus palustris).
• Ferreiriño subeliño ou ferreiriño rabilongo (Aegithalos caudatus, da familia Aegithalidae).
• Ferreiriño da Laponia (Poecile cincta, antes Parus cinctus).

• 
  Ferreiriño abelleiro
• 
  Ferreiriño bacachís
• 
  Ferreiro de bigote
• 
  Ferreiriño de cara negra
• 
  Ferreiriño cristado
• 
  Ferreiriño negro
• 
  Ferreiriño palustre
• 
  Ferreiriño subeliño