Fenrir (lúa)

Fenrir ou Saturno XLI, é unha pequena lúa de Saturno. Foi descuberta por Scott S. Sheppard, David C. Jewitt, Jan Kleyna, e Brian G. Marsden o 4 de maio do 2005, a partir de observacións feitas entre o 13 de xaneiro e o 5 de marzo do 2005 e recibiu a designación temporal de S/2004 S 16. Este satélite foi descuberto usando algúns dos telescopios terrestres máis potentes do planeta.^[1]

Fenrir ten unha magnitude aparente de 25,^[4] facendo dela unha das lúas menos brillantes do Sistema Solar. É o redor de 1.000 millóns (10⁻⁹) de veces menos brillantes ca Saturno. Fenrir ten uns 4 kms de diámetro^[4] e orbita Saturno a unha distancia media de 22,454 millóns de kms en 1260 días, cunha inclinación orbital de 163° respecto da eclíptica (143° respecto do ecuador de Saturno) e cunha excentricidade de 0,136. A lúa posúe un movemento retrógrado (orbita Saturno na dirección oposta á dirección de rotación do planeta) suxerindo que esta lúa irregular foi capturada por Saturno.^[5]

Recibiu o seu nome oficial en abril do 2007^[2] a partir da mitoloxía nórdica, nesta mitoloxía, Fenrisulfr era un lobo xigante, pai de Hati e Skoll, fillo de Loki, Destinado a rompe-las súas cadeas co Ragnarok.