Fedor Smolov
Fedor Mikhailovich Smolov (en ruso: Фёдор Михайлович Смолов) nado o 9 de febreiro de 1990 en Saratov, é un futbolista ruso que xoga na demarcación de dianteiro. Xoga no FC Lokomotiv Moscova e na selección rusa.
| Smólov | |||
|---|---|---|---|
 e  | |||
| Información persoal | |||
| Nome | Fiódor Mijáilovich Smólov | ||
| Nacemento | 9 de febreiro de 1990 (34 anos) | ||
| Lugar de nacemento | Saratov | ||
| Altura | 1.87 m | ||
| Posición | Dianteiro | ||
| Información de club | |||
| Club actual | Lokomotiv Moscova | ||
| Carreira xuvenil | |||
| 1997–2004 | Sokol Saratov | ||
| 2005–2006 | Master-Saturn Yegoryevsk | ||
| 2006–2007 | Saturn Ramenskoye | ||
| Carreira sénior | |||
| Anos | Equipos | Aprs | (Gls) |
| 2007–2015 | Dinamo de Moscova | 68 | (3) |
| 2010 | → Feyenoord (cedido) | 11 | (0) |
| 2012–2013 | → Anzhi (cedido) | 15 | (0) |
| 2014 | → Anzhi (cedido) | 11 | (2) |
| 2014–2015 | → Ural Sverdlovsk (cedido) | 22 | (8) |
| 2015–2018 | Krasnodar | 104 | (64) |
| 2018– | Lokomotiv Moscova | 48 | (11) |
| 2020 | → Celta de Vigo (cedido) | 14 | (2) |
| Selección nacional | |||
| 2006–2007 | Rusia sub-17 | 11 | (5) |
| 2008 | Rusia sub-19 | 5 | (3) |
| 2008–2013 | Rusia sub-21 | 32 | (16) |
| 2012– | Rusia | 39 | (14) |
| Na rede | |||
     | |||
| Partidos e goles só en liga doméstica. Club: actualizado a 7 de xullo de 2020. Selección: actualizado a 8 de xuño de 2019.[ editar datos en Wikidata ] | |||
Foi o artilleiro do Campionato Ruso, con 20 goles.
Traxectoria
Smolov é un graduado da academia de fútbol Master-Saturn Yegoryevsk . En 2007, uniuse ó Dinamo de Moscova. O 14 de xullo de 2010, o club anunciou que Smolov ía unirse ó Feyenoord nun acordo de préstamo dun ano.[1] Retornado da cesión, Smolov comezou na tempada 2011-2012 como xogador do primeiro equipo , pero tras 9 xornadas sen marcar foi limitado a facer substitucións. Así, foi cedido de novo , esta vez para Anzhi Makhachkala - inicialmente para toda temporada 2012-2013,[2] e despois para a segunda parte da 2013-2014.[3]
Cesión no Ural
O 1 de setembro de 2014, Smolov foi ó Ural como cedido por unha tempada .[4] Dúas semanas máis tarde, na súa estrea no novo club , marcou un gol contra o Amkar Perm.[5] Xogou un papel importante na tempada, proporcionando 8 goles e 2 asistencias en 22 partidos na Liga ó Ural.
FC Krasnodar
O 2 de xuño de 2015, Smolov asinou un contrato de catro anos con Krasnodar como axente libre.[6] Fixo o seu debut competitivo no seu novo club nunha vitoria fóra por 1-0 contra o Amkar Perm , no seu primeiro partido do campionato, o 20 de xullo de 2015,[7] e marcou o seu primeiro gol nun empate 3-3 contra o Slovan Bratislava na terceira pre rolda da UEFA Europa League o 6 de agosto.[8]
O 10 de abril de 2016, Smolov marcou catro goles na vitoria de 6-0 para o Krasnodar contra o seu club Ural Yekaterinburg.[9] Con 20 goles en 29 partidos , fíxose o maior artilleiro do Russian Premier League na tempada 2015-16, e é o primeiro xogador do Krasnodar que alcanzou este título.
Celta de Vigo
O 30 de xaneiro de 2020, anunciouse a súa cesión ata final de tempada ó Celta de Vigo da Primeira División.[10]
Selección nacional
Foi convocado para a Selección de fútbol de Rusia, por primeira vez nun partido amigábel contra os Estados Unidos o 14 de novembro de 2012. Fixo a súa estrea e marcou o seu primeiro gol para o equipo nacional durante ese partido.[11]