Estación de Miño-Castro
8°12′20″O / 43.34221, -8.20555
Miño-Castro foi unha estación e posteriormente apeadoiro de tren de Adif situada na localidade de Miño, na provincia da Coruña. Está situado na estrada AC-154, a un quilómetro cara Ferrol e na actualidade non ten paradas comerciais.
| Miño-Castro | |
|---|---|
 Apeadoiro de Miño. | |
| Situación | Miño |
Situación ferroviaria
Atópase no punto quilométrico 13,7 da liña férrea de largo ibérico que une Betanzos con Ferrol a 22 metros de altitude,[1] entre a estación de Betanzos-Cidade e o apeadoiro de Miño. O tramo é de vía única e está sen electrificar.
Historia
A estación foi inaugurada o 5 de maio de 1913 coa apertura da liña Betanzos-Ferrol, tras un longo período de proxectos e obras, tras quedar deserto o concurso para a súa construción e explotación.[2] Encargouse a Norte que efectuase o mantemento necesario para a posta en servizo desta liña. Encargouse finalmente da explotación MZOV, e a partir de 1928, a Compañía Nacional dos Ferrocarrís do Oeste.[3] En 1941, a estación pasou a depender da recentemente creada Renfe, quen xestionou a mesma ata a separación da compañía en Adif e Renfe Operadora o 31 de decembro de 2004.