Elle (filme)
Elle é un filme franco-alemán de 2016 dirixido por Paul Verhoeven e escrito por David Birke. Baséase na novela Oh... de Philippe Djian. A novela de Djian foi publicada en 2012 e recibiu o Prix Interallié (Premio Nacional de Literatura).[4] O filme está protagonizado por Isabelle Huppert como unha empresaria que é violada na súa casa por un agresor enmascarado e decide non denuncialo debido á súa experiencia pasada coa policía.
| Elle | |
|---|---|
| Ficha técnica | |
| Título orixinal | Elle |
| Director | Paul Verhoeven |
| Produtor |
|
| Guión | David Birke |
| Baseado en | Oh... de Philippe Djian |
| Intérpretes |
|
| Música | Anne Dudley |
| Fotografía | Stéphane Fontaine |
| Montaxe | Job ter Burg |
| Estudio |
|
| Distribuidora | SBS Distribution Sony Pictures Classics (USA) |
| Estrea | Festival de Cannes: 21 de maio de 2016 25 de maio de 2016 |
| Duración | 130 minutos |
| Orixe |  Francia Alemaña[1] |
| Xénero | Drama |
| Orzamento | 9,1 millóns de dólares[2] |
| Recadación | 12,7 millóns de dólares[3] |
| Na rede | |
| http://www.ellemovie.com | |
          | |
O filme é o primeiro de Verhoeven dende Zwartboek en 2006, e é o primeiro rodado en lingua francesa. Estreouse na competición pola Palma de Ouro no Festival Internacional de Cinema de Cannes de 2016, onde recibiu a aclamación da crítica.[5] Elle gañou o Globo de Ouro á mellor película en lingua non inglesa e o Critics' Choice Movie ó mellor filme en lingua non inglesa; foi escollido como candidato de Francia para o Óscar ó mellor filme internacional na 89ª edición dos premios, mais finalmente non foi nomeado.[6]
Sinopse
Michèle Leblanc é unha muller cunha forte personalidade e gran carácter para afrontar a realidade, mais as cousas cambian cando é asaltada e violada por un individuo cunha máscara de esquí. Despois do incidente, deciede non chamar a policía e limpa a desorde. Decide continuar coa súa vida como se non pasase nada, mais vivirá co temor de saber que aquel individuo podería regresar algún día.
Personaxes
- Isabelle Huppert como Michèle Leblanc
- Laurent Lafitte como Patrick
- Anne Consigny como Anna
- Christian Berkel como Robert
- Virginie Efira como Rebecca
- Charles Berling como Richard Casamayou
- Alice Isaaz como Josie
- Judith Magre como Irène Leblanc
- Vimala Pons como Hélène
- Jonas Bloquet como Vincent
- Lucas Prisor como Kurt
- Arthur Mazet como Kevin
- Raphaël Lenglet como Ralph
Notas
Véxase tamén
Outros artigos
- Filmes de Francia propostos ó Óscar ó mellor filme internacional
- Filmes propostos ó mellor filme internacional na 89ª edición dos Óscar